കാസർകോട്: വ്യവസായവകുപ്പിലെ റിട്ടയേർഡ് ജീവനക്കാരനെ ട്രെയിൻ തട്ടി മരിച്ച നിലയിൽ കണ്ടെത്തി. ചെറുവത്തൂർ, വെങ്ങാട് സ്വദേശി എൻ.കെ.സുകുമാരൻ (70) ആണ് മരിച്ചത്. ചെറുവത്തൂർ റെയിൽവെ സ്റ്റേഷന് സമീപത്താണ് മൃതദേഹം കാണപ്പെട്ടത്. ബുധനാഴ്ച്ച പുലർച്ചെ കടന്നുപോയ ഗുഡ്സ് ട്രെയിൻ ഇടിച്ചാണ് മരണമെന്ന് സംശയിക്കുന്നു. റെയിൽവെ സ്റ്റേഷൻ മാസ്റ്റർ അറിയിച്ചതിനെ തുടർന്ന് പൊലീസ് നടത്തിയ അന്വേഷണത്തിലാണ് മൃതദേഹം സുകുമാരന്റേതാണെന്ന് തിരിച്ചറിഞ്ഞത്. ഇൻക്വസ്റ്റിനു ശേഷം മൃതദേഹം പോസ്റ്റുമോർട്ടത്തിനായി മോർച്ചറിയിലേയ്ക്ക് മാറ്റി. ചന്തേര പൊലീസ് കേസെടുത്തു.