കാസര്‍കോട്: റോഡിനു കുറുകെ ബൈക്ക് നിര്‍ത്തിയിട്ട് മദ്യപിച്ചതിനെ ചോദ്യം ചെയ്ത വിരോധം മൂലമാണെന്നു പറയുന്നു, യുവാവിനെ കുത്തിക്കൊല്ലാന്‍ ശ്രമം. അജാനൂര്‍, വെള്ളിക്കോത്തെ സി. പ്രകീഷാ (39) ണ് വധശ്രമത്തിനു ഇരയായത്. കഴിഞ്ഞ ദിവസമാണ് സംഭവം. വയറിനാണ് കുത്തേറ്റത്. നെഞ്ചിനു കുത്താന്‍ ആഞ്ഞപ്പോള്‍ തട്ടി മാറ്റുകയായിരുന്നുവെന്നു പറയുന്നു. സംഭവത്തില്‍ വെള്ളിക്കോത്ത്, വീണച്ചേരിയിലെ ബൈജുവി(45)നെതിരെ ഹൊസ്ദുര്‍ഗ്ഗ് പൊലീസ് കേസെടുത്തു.