തിരുവനന്തപുരം: മെഡിക്കല്‍ കോളജില്‍ ശസ്ത്രക്രിയ കഴിഞ്ഞ് ഐസിയുവില്‍ കിടന്ന യുവതിയെ കടന്നു പിടിച്ച ജീവനക്കാരന്‍ അറസ്റ്റില്‍. ഓര്‍ത്തോപീഡിക്‌സ് വിഭാഗം ജീവനക്കാരന്‍ ദില്‍കുമാറാണ് (52) അറസ്റ്റിലായത്. പ്രതിയെ ആശുപത്രി സൂപ്രണ്ട് സസ്‌പെന്‍ഡ് ചെയ്തു. ഓപ്പറേഷൻ കഴിഞ്ഞ യുവതി അവശതയിൽ ആയതിനാൽ അപ്പോൾ ബഹളം വെക്കാൻ സാധിച്ചില്ല. പിന്നീട് രാത്രി നഴ്സ് കാണാനെത്തിയപ്പോഴാണ് ഇവർ സംഭവം പറഞ്ഞത്. ഡ്യൂട്ടിയിലുണ്ടായിരുന്ന നഴ്‌സുമാർ അപ്പോൾ തന്നെ ബന്ധുക്കളെ വിവരമറിയിച്ചു. തുടർന്ന് ആർഎംഒയുടെ നേതൃത്വത്തിൽ പ്രാഥമിക അന്വേഷണം നടത്തിയപ്പോൾ ഇയാൾ കുറ്റക്കാരനെന്ന് കണ്ടെത്തി. തുടർന്ന് സൂപ്രണ്ടാണ് മെഡിക്കൽ കോളേജ് പൊലീസിൽ വിവരമറിയിച്ചത്. ശേഷം, പൊലീസ് എത്തി ജീവനക്കാരനെ പിടികൂടുകയായിരുന്നു.