വത്തിക്കാന്: ഫ്രാന്സിസ് മാര്പാപ്പയ്ക്ക് ഹൃദയഭേദകമായ വിടനല്കി ലോകം.
ആഗ്രഹപ്രകാരം ശനിയാഴ്ച ഉച്ചയോടെ റോമിലെ സാന്താ മരിയ മാര്ജറി ബസിലിക്കയിലാണ് സംസ്കാരച്ചടങ്ങുകള് നടക്കുന്നത്. പൊതുദര്ശനത്തിന് പിന്നാലെ നടന്ന പ്രാര്ഥനകള്ക്കുശേഷം സെയ്ന്റ് പീറ്റേഴ്സ് ബസിലിക്കയില്നിന്ന് വിലാപയാത്രയുമായി മൃതദേഹം സാന്താമരിയ മാര്ജറി ബസിലിക്കയിലേക്ക് കൊണ്ടുപോയി. വന്ജനാവലിയുടെ സാന്നിധ്യത്തിലാണ് വിലാപയാത്ര നടന്നത്. സെന്റ് പീറ്റേഴ്സ് ബസിലിക്കയിലെ പ്രദക്ഷിണത്തിനുശേഷമാണ് അല്ത്താരയിലേക്ക് ഭൗതിക ശരീരം എത്തിച്ചത്. തുടര്ന്ന് സംസ്കാര ശുശ്രൂഷകള് ആരംഭിച്ചു. കബറടക്കം ലളിതവും സ്വകാര്യവുമായ ചടങ്ങായിരിക്കുമെന്ന് വത്തിക്കാന് അറിയിച്ചുരുന്നു. യുഎസ് പ്രസിഡന്റ് ഡൊണാള്ഡ് ട്രംപ്, രാഷ്ട്രപതി ദ്രൗപദി മുര്മു, യുക്രൈന് പ്രസിഡന്റ് സെലന്സ്കി ഉള്പ്പെടെ വിവിധ രാജ്യങ്ങളില് നിന്നുള്ള 130 പ്രമുഖര് ചടങ്ങിനെത്തിയിട്ടുണ്ട്. കേന്ദ്രമന്ത്രിമാരായ ജോര്ജ് കുര്യന്, കിരണ് റിജിജു, ഗോവ ഡെപ്യൂട്ടി സ്പീക്കര് ജോഷ്വ ഡിസൂസ എന്നിവരും പങ്കെടുക്കുന്നുണ്ട്.
