കണ്ണൂര്: ബന്ധുവിന്റെ മരണാനന്തര ചടങ്ങില് മദ്യപിച്ച് ബഹളം ഉണ്ടാക്കിയത് ചോദ്യം ചെയ്തയാളെ കുത്തിക്കൊല്ലാന് ശ്രമിച്ച മധ്യവയസ്കന് അറസ്റ്റില്. ആലക്കോട്, പൂവംചാലിലെ മാങ്ങാട്ട്, ഒ.കെ ബാബു (35)വിനെയാണ് ആലക്കോട് പൊലീസ് ഇന്സ്പെക്ടര് മഹേഷ് കെ നായരുടെ നിര്ദ്ദേശ പ്രകാരം എസ്.ഐ കെ.ജെ മാത്യുവും സംഘവും അറസ്റ്റു ചെയ്തത്. തളിപ്പറമ്പ താലൂക്ക് ഓഫീസിലെ യുഡി ക്ലര്ക്കും പൂവന്ചാല് സ്വദേശിയുമായ പുതുശ്ശേരി നിതി(28)നെ വധിക്കാന് ശ്രമിച്ച കേസിലാണ് അറസ്റ്റ്. വിഷു തലേന്ന് രാത്രി 7.20 മണിയോടെയാണ് കേസിനാസ്പദമായ സംഭവം. നിതിന്റെ ബന്ധുവായ ഒരാള് മരണമടഞ്ഞിരുന്നു. മരണാനന്തര ചടങ്ങുകള് നടക്കുന്നതിനിടയില് മദ്യലഹരിയിലെത്തിയ ബാബു ബഹളം ഉണ്ടാക്കിയത് നിതിന് ചോദ്യം ചെയ്തിരുന്നു. ഇതിന്റെ വിരോധത്തില് നിതിനെ കുത്തിപ്പരിക്കേല്പ്പിച്ച ശേഷം ഒളിവില് പോവുകയായിരുന്നുവെന്നാണ് കേസ്.
മുന് ജില്ലാപ്ലാനിംഗ് ഓഫീസ് ജീവനക്കാരന് പെരിയ, താന്നിയടിയിലെ ഇ വി നാരായണന് അന്തരിച്ചു
Monday, 13 April 2026, 13:52
