കാസര്കോട്: കാസര്കോട്ടെ ഒരു ജ്വല്ലറിയിലെ ജീവനക്കാരിയായ യുവതിയെ കാണാതായതായി പരാതി. പരവനടുക്കം, മണിയങ്ങാനത്തെ എം. ശരണ്യ (35)യെ ആണ് കാണാതായത്. ഭര്ത്താവ് നല്കിയ പരാതിയില് മേല്പ്പറമ്പ് പൊലീസ് കേസെടുത്തു. പതിവുപോലെ ബുധനാഴ്ച രാവിലെ ജ്വല്ലറിയിലേക്ക് ജോലിക്കു പോയതായിരുന്നു. തിരിച്ചെത്താത്തതിനെ തുടര്ന്ന് അന്വേഷിച്ചപ്പോള് അഞ്ചു മണിയോടെ ജോലി കഴിഞ്ഞ് ഇറങ്ങിയിരുന്നതായുള്ള വിവരമാണ് ലഭിച്ചത്. അഞ്ചുമണിക്കും ആറു മണിക്കുമിടയിലാണ് യുവതിയെ കാണാതായതെന്നു മേല്പ്പറമ്പ് പൊലീസ് രജിസ്റ്റര് ചെയ്ത കേസില് പറയുന്നു. മൂന്നു മക്കളുടെ മാതാവാണ് ശരണ്യ. യുവതിയെ കണ്ടെത്താന് അന്വേഷണം തുടരുന്നതായി പൊലീസ് വൃത്തങ്ങള് പറഞ്ഞു.
തളങ്കര കെ.കെ പുറത്തെ അസ്മാബിഅന്തരിച്ചു
Tuesday, 3 February 2026, 11:27
