കാസര്‍കോട്: സിപിഎം ജില്ലാ സെക്രട്ടറിയേറ്റ് അംഗങ്ങളെ തെരഞ്ഞെടുക്കാനുള്ള ജില്ലാ കമ്മിറ്റി യോഗം സംസ്ഥാന സെക്രട്ടറി എം.വി ഗോവിന്ദന്റെ സാന്നിധ്യത്തില്‍ നടന്നു. ജനാധിപത്യ
മഹിളാ അസോസിയേഷന്‍ നേതാവ് ഇ. പത്മാവതിയെയും കാറഡുക്ക ബ്ലോക്ക് പഞ്ചായത്ത് പ്രസിഡണ്ട് സിജി മാത്യു എന്നീ
പുതുമുഖങ്ങളെ ജില്ലാ സെക്രട്ടേറിയറ്റില്‍ ഉള്‍പ്പെടുത്തി. എം.വി ഗോവിന്ദന്‍ മന്ത്രിയായിരുന്നപ്പോള്‍ പേഴ്‌സണല്‍ സ്റ്റാഫ് അംഗമായതിനെ തുടര്‍ന്ന് ഒഴിവായ ഡോ. വിപിപി മുസ്തഫയെ വീണ്ടും സെക്രട്ടേറിയറ്റിലേക്ക് തെരഞ്ഞെടുത്തു. സി.പ്രഭാകരന്‍, വി.കെ രാജന്‍ എന്നിവരെ ഒഴിവാക്കിയാണ് പത്മാവതിയെയും സിജിമാത്യുവിനെയും സെക്രട്ടറിയേറ്റിലേക്ക് തെരഞ്ഞെടുത്തത്. എം. രാജഗോപാലന്‍, പി. ജനാര്‍ദ്ദനന്‍, കെ.വി കുഞ്ഞിരാമന്‍, കെ.ആര്‍ ജയാനന്ദ, എം. സുമതി, വി.വി രമേശന്‍ എന്നിവര്‍ സെക്രട്ടറിയേറ്റംഗങ്ങളായി തുടരും. ജില്ലാ സെക്രട്ടറി സ്ഥാനമൊഴിഞ്ഞ എം.വി ബാലകൃഷ്ണനു പകരമാണ് മുസ്തഫയെ തെരഞ്ഞെടുത്തത്. ജില്ലയിലെ വര്‍ഗ്ഗ-ബഹുജന സംഘടനാ കമ്മിറ്റികളുടെ പാര്‍ട്ടി ചുമതലകളും ബുധനാഴ്ചത്തെ ജില്ലാ കമ്മിറ്റി യോഗത്തില്‍ നല്‍കും.