പയ്യന്നൂര്‍: നാട്ടിലെത്തി ജനങ്ങളെ വെല്ലുവിളിച്ച കാപ്പകേസ് പ്രതിയെ അറസ്റ്റു ചെയ്തു. പയ്യന്നൂര്‍, എട്ടിക്കുളത്തെ എം.പി റാഷിദി(30)നെയാണ് പയ്യന്നൂര്‍ പൊലീസ് അറസ്റ്റു ചെയ്തത്. മയക്കു മരുന്ന് കേസ് ഉള്‍പ്പെടെ നിരവധി കേസുകളില്‍ പ്രതിയായതിനെ തുടര്‍ന്നാണ് നേരത്തെ കാപ്പ കേസ് ചുമത്തി റഷീദിനെ നാടു കടത്തിയത്. തിങ്കളാഴ്ച രാത്രി തിരിച്ചെത്തിയ പ്രതി ”എന്നെ പിടിക്കാന്‍ ആര്‍ക്കുണ്ട് ധൈര്യം” എന്നു ചോദിച്ചു വെല്ലുവിളിക്കുകയായിരുന്നു. നാട്ടുകാര്‍ വിവരമറിയിച്ചതിനെ തുടര്‍ന്നാണ് പൊലീസെത്തി അറസ്റ്റു ചെയ്തത്.