കാസർകോട്: ചെർക്കളയിലെ വീട്ടിൽ വൻ തീപിടിത്തം. ഗൃഹോപകരണങ്ങൾ കത്തി നശിച്ചു. ചെങ്കള ചന്ദ്രൻപാറ സ്വദേശി ഷാഫിയുടെ വീടിനു ആണ് തീപിടിത്തം ഉണ്ടായത്. അടുക്കള പൂർണമായും കത്തി. അകത്തുണ്ടായിരുന്ന ഫ്രിഡ്ജ്, വാഷിംഗ്‌ മെഷീൻ, ഗ്രൈൻഡർ, പത്രങ്ങൾ, പാചകവാതക സ്റ്റൗ എന്നിവ കത്തി നശിച്ചു. കാസർകോട് നിന്ന് അഗ്നിരക്ഷാസേന എത്തി തീ അണച്ചു. ബുധനാഴ്ച അർദ്ധരാത്രി 11.45 ഓടെയാണ് സംഭവം. തീയും പുകയും ഉയരുന്നത് കണ്ട് വീട്ടുകാർ ഫയർഫോഴ്സിനെ വിവരം അറിയിക്കുകയായിരുന്നു. ഷോർട്ട് സർക്യൂട്ട് ആണ് തീപിടിത്തത്തിന് കാരണമെന്ന് സംശയിക്കുന്നു. അസിസ്റ്റന്റ് സ്റ്റേഷൻ ഓഫീസർ എം കെ രാജേഷിന്റെ നേതൃത്വത്തിൽ സീനിയർ ഫയർ ആൻഡ് റെസ്ക്യൂ ഓഫീസർ വി എം സതീശൻ, ഉദ്യോഗസ്ഥന്മാരായ ജീവൻ, അരുൺ, ജിത്തു, അബയസൻ, സിറാജ്, സാബിൽ, ഹോം ഗാർഡ് പ്രവീൺ ഉണ്ണികൃഷ്ണൻ എന്നിവരാണ് തീയണച്ചത്.