ഗള്‍ഫില്‍ നിന്നെത്തിയ ഷുഹൈബ് നേരെ പോയത് ലോഡ്ജ് മുറിയിലേക്ക്; സാധനങ്ങളെല്ലാം വിറ്റ ശേഷം വീട്ടിലേക്ക് പോകാമെന്നു സ്വപ്‌നം കണ്ടു, പൊലീസ് പൊക്കിയതോടെ എല്ലാം തകര്‍ന്നു

കണ്ണൂര്‍: ഗള്‍ഫില്‍ നിന്നു കടത്തിക്കൊണ്ടുവന്ന മൂന്നര ലക്ഷം രൂപ വില വരുന്ന ഇലക്ട്രോണിക് സിഗരറ്റുമായി യുവാവ് അറസ്റ്റില്‍. പാനൂര്‍, പൂക്കോത്തെ കളത്തില്‍ മീത്തല്‍ വീട്ടില്‍ എം. ഷുഹൈബ് (29) ആണ് പാനൂര്‍ പൊലീസ് ഇന്‍സ്‌പെക്ടര്‍ കെ. സുധീറിന്റെ പിടിയിലായത്. 240 ഇലക്ട്രോണിക് സിഗരറ്റും പിടിച്ചെടുത്തു. അഞ്ചെണ്ണം വീതമുള്ള 48 പെട്ടികളിലായാണ് ഇലക്ട്രോണിക് സിഗരറ്റുകള്‍ സൂക്ഷിച്ചിരുന്നത്. ഒരു സിഗരറ്റ് 1500 രൂപ നിരക്കിലാണ് വില്‍പ്പന നടത്തിയിരുന്നത്. വിദ്യാര്‍ത്ഥികളാണ് ഇ സിഗരറ്റിന്റെ പ്രധാന ആവശ്യക്കാരെന്നു പറയുന്നു. ഒരെണ്ണം വാങ്ങിയാല്‍ ഏറെ കാലം ഉപയോഗിക്കാന്‍ കഴിയുമെന്നതും ഇ സിഗരറ്റിന്റെ പ്രത്യേകതയാണ്.
ചൊവ്വാഴ്ചയാണ് ശുഹൈബ് ഗള്‍ഫില്‍ നിന്നും എത്തിയത്. നാട്ടിലെത്തിയിട്ടും വീട്ടില്‍ പോകാതെ മാക്കൂര്‍ പീടികയിലെ ഒരു ലോഡ്ജില്‍ മുറിയെടുത്തു താമസിച്ചു വരികയായിരുന്നു. രണ്ടു ഏജന്റുമാരെ വച്ച് ആവശ്യക്കാരെ ലോഡ്ജിലേക്കു വിളിച്ചു വരുത്തിയായിരുന്നു ഇ സിഗരറ്റ് വില്‍പന നടത്തിയിരുന്നത്. സാധനങ്ങളെല്ലാം വില്‍പ്പന നടത്തി കഴിഞ്ഞ ശേഷം വീട്ടിലേക്ക് പോകാമെന്നാണ് അറസ്റ്റിലായ ഷുഹൈബ് കണക്കു കൂട്ടിയിരുന്നതെന്നു പൊലീസ് പറഞ്ഞു. രഹസ്യ വിവരം ലഭിച്ചതിനെ തുടര്‍ന്ന് ഇയാളെ തൊണ്ടി മുതല്‍ സഹിതം പിടികൂടുകയായിരുന്നുവെന്നു കൂട്ടിച്ചേര്‍ത്തു.

Subscribe
Notify of
guest
0 Comments
Oldest
Newest Most Voted
Inline Feedbacks
View all comments
RELATED NEWS
ദേശീയപാത നിർമ്മാണം: മേഘ കൺസ്ട്രക്ഷൻ കമ്പനിയുടെ മൈലാട്ടിയിലെ ലേബർ ക്യാമ്പിൽ തൊഴിലാളികൾ തമ്മിൽ സംഘർഷം, രണ്ടുപേർക്ക് കുത്തേറ്റു, ഒരാളുടെ നില അതീവ ഗുരുതരം, കേസിലെ പ്രതികളായ അച്ഛനും മകനും മുങ്ങി, പ്രതികളെ പിടികൂടാൻ പൊലീസ് പൊതുജന സഹായം തേടി
ചന്തേരയിലെ പ്രകൃതി വിരുദ്ധ പീഡനം: എ ഇ ഒയും ആര്‍ പി എഫ് ഉദ്യോഗസ്ഥനും ഉള്‍പ്പെടെ 7 പേര്‍ അറസ്റ്റില്‍; യൂത്ത്‌ലീഗ് നേതാവ് മുങ്ങി, കേസുകള്‍ കണ്ണൂര്‍, കോഴിക്കോട്, എറണാകുളം ജില്ലകളിലേയ്ക്ക് മാറ്റി, അറസ്റ്റിലായവരില്‍ ഉന്നത രാഷ്ട്രീയ നേതാവിന്റെ ബന്ധുവും

You cannot copy content of this page