പ്രായപൂര്‍ത്തിയാകാത്ത പെണ്‍കുട്ടിയെ തുടര്‍ച്ചയായി പീഡനത്തിനിരയാക്കിയ 57 കാരനെ പൊലീസ് അറസ്റ്റുചെയ്തു. മൂഡ്ബിദ്രി അജങ്കല്ലു സ്വദേശി പ്രകാശിനെയാണ് പോക്‌സോ നിയമപ്രകാരം അറസ്റ്റുചെയ്തത്. മൂഡ്ബിദ്രി ലാഡിക്ക് സമീപമുള്ള പ്രാന്ത്യയില്‍ താമസക്കാരിയായ പെണ്‍കുട്ടിയെയാണ് ഇയാള്‍ പീഡിപ്പിച്ചത്. പെണ്‍കുട്ടി താമസിക്കുന്ന വീടിന് സമീപം വാടകവീട്ടില്‍ താമസിച്ചു വരികയായിരുന്നു പ്രതി. വീട്ടില്‍ കുട്ടി ഒറ്റയ്ക്കുള്ള സമയങ്ങളിലെല്ലാം പ്രതി വീട്ടില്‍ സന്ദര്‍ശനം നടത്താറുണ്ടായിരുന്നുവെന്നും കഴിഞ്ഞ ഒരു വര്‍ഷമായി ഇയാള്‍ പലതവണ പീഡിപ്പിച്ചുവരികയാണെന്നും പെണ്‍കുട്ടിയുടെ മാതാപിതാക്കള്‍ നല്‍കിയ പരാതിയില്‍ പറഞ്ഞു. സംഭവത്തില്‍ മൂഡ്ബിദ്രി പൊലീസ് വിശദമായ അന്വേഷണം നടത്തി വരികയാണ്.