മലപ്പുറം: കോഡൂരില് സ്വകാര്യബസ് ജീവനക്കാര് മര്ദിച്ച ഓട്ടോ ഡ്രൈവര് കുഴഞ്ഞുവീണ് മരിച്ചു. മാണൂര് സ്വദേശി തയ്യില് അബ്ദുല് ലത്തീഫ് (49) ആണ് മരിച്ചത്. ആശുപത്രിയില് വച്ചാണ് മരണം. തിരൂര് മഞ്ചേരി റൂട്ടിലോടുന്ന പിടിബി ബസ് കണ്ടക്ടറാണ് മര്ദിച്ചത്. വ്യാഴാഴ്ച രാവിലെ 9.30 ഓടെയാണ് ആക്രമണം നടന്നത്. കോഡൂരിലെ ബസ് സ്റ്റോപ്പില് ഓട്ടോ നിര്ത്തി ആളെ കയറ്റിയതിനാണ് മര്ദ്ദനമെന്ന് പറയുന്നു. നെഞ്ചുവേദനയെ തുടര്ന്ന് ആശുപത്രിയില് എത്തിയെങ്കിലും മരണപ്പെടുകയായിരുന്നു. സംഭവത്തെ തുടര്ന്ന് ബസ് ജീവനക്കാരെ പൊലീസ് കസ്റ്റഡിയിലെടുത്തിട്ടുണ്ട്. മരണകാരണം പോസ്റ്റുമോര്ട്ടം റിപ്പോര്ട്ട് ലഭിച്ചാല് മാത്രമേ വ്യക്തമാവുകയുള്ളൂവെന്ന് പൊലീസ് അറിയിച്ചു.
