കാസര്കോട്: കാലപ്പഴക്കം കാരണം മാസങ്ങള്ക്ക് മുമ്പ് ഗതാഗതം നിരോധിച്ച പൈവളിഗെ പഞ്ചായത്തിലെ ഉര്മി വിസിബി കം ബ്രിഡ്ജിന്റെ പുന:നിര്മ്മാണത്തിനായി 1.23 കോടി രൂപയുടെ പദ്ധതിയ്ക്ക് ഭരണാനുമതി ലഭിച്ചതായി എകെഎം അഷ്റഫ് എംഎല്എ അറിയിച്ചു. പൈവളിഗെ പഞ്ചായത്തിലെ കടങ്കോടി വാര്ഡിലെ ഉര്മി തോടിന് കുറുകെ 40 വര്ഷങ്ങള്ക്ക് മുമ്പാണ് വി.സി.ബി കം ബ്രിഡ്ജ് നിര്മ്മിച്ചത്. പാലം അടച്ചിട്ടതോടെ ഉര്മി, പല്ലക്കൂടല്, കൊമ്മംഗള, കുരുഡപ്പദവ് എന്നീ പ്രദേശങ്ങളിലെ കര്ഷകര്, വിദ്യാര്ത്ഥികള്, വ്യാപാരികള് ഉള്പ്പെടെയുള്ള പൊതുജനങ്ങള് ദുരിതത്തിലായിരുന്നു. ഈ പ്രദേശങ്ങളിലെ വിവിധ കൃഷി ഭൂമിയിലേക്കുളള ജലലഭ്യതയും നിലച്ചിരുന്നു. ചെറുകിട ജലസേചന വകുപ്പിന്റെ പ്ലാന് ഫണ്ടില് നിന്നാണ് വിസിബി നിര്മ്മാണത്തിന് ഫണ്ട് അനുവദിച്ചിട്ടുള്ളത്. ടെണ്ടര് നടപടികള് പൂര്ത്തീകരിച്ച് പ്രവൃത്തി ഉടന് തുടങ്ങുന്നതിന് ബന്ധപ്പെട്ട ഉദ്യോഗസ്ഥര്ക്ക് നിര്ദ്ദേശം നല്കിയതായി എംഎല്എ അറിയിച്ചു.
പാലക്കുന്ന്, ആറാട്ടുകടവിലെ ഒരുമ മനാഫ് അന്തരിച്ചു
Monday, 10 August 2026, 11:24
