കാസര്‍കോട്: ടിപ്പര്‍ ലോറി ഓട്ടോയില്‍ ഇടിച്ച് സ്ത്രീകള്‍ ഉള്‍പ്പെടെ മൂന്ന് പേര്‍ക്ക് പരിക്കേറ്റു. എരിക്കുളം സ്വദേശികളായ എന്‍ ജാനകി(60), മരുമകള്‍ മൃദുല(30), ഓട്ടോ ഡ്രൈവര്‍ ശ്രീനിവാസന്‍(40) എന്നിവര്‍ക്കാണ് പരിക്ക്. ഇവരെ നീലേശ്വരത്തെ സ്വകാര്യ ആശുപത്രിയില്‍ പ്രവേശിപ്പിച്ചു. പരിക്ക് സാരമുള്ളതിനാല്‍ ജാനകിയെയും മൃദുലയെയും മംഗളൂരുവിലെ ആശുപത്രിയിലേക്ക് കൊണ്ടുപോയി. ചൊവ്വാഴ്ച രാവിലെ 10.45 ഓടെ ചായ്യോത്ത് സ്‌കൂളിന് സമീപത്തായിരുന്നു അപകടം. ഓട്ടോ യൂടേണ്‍ എടുക്കുന്നതിനിടയില്‍ ടിപ്പര്‍ വന്നിടിക്കുകയായിരുന്നു. ഓടിക്കൂടിയ നാട്ടുകാരാണ് പരിക്കേറ്റവരെ ആശുപത്രിയില്‍ എത്തിച്ചത്.
ചൂരിപ്പള്ളിയിലെ കവര്‍ച്ച; മോഷ്ടാവ് അറസ്റ്റില്‍
Tuesday, 8 July 2025, 15:05
