കല്‍പറ്റ: വയനാട്ടിലെ മാനന്തവാടി, പിലാക്കാവ്, കമ്പമലയില്‍ കാട്ടുതീ പടരുന്നു. കാട്ടുതീ പടര്‍ന്ന് മലയുടെ ഒരു ഭാഗം കത്തിയമര്‍ന്നു. തീ കൂടുതല്‍ പരിസര പ്രദേശങ്ങളിലേക്കും വ്യാപിക്കുന്നുണ്ട്.
സ്ഥലത്തെത്തിയ വനംവകുപ്പ് തീയണയ്ക്കാന്‍ ശ്രമം ആരംഭിച്ചിട്ടുണ്ട്. എന്നാല്‍, കാട്ടുതീ കൂടുതല്‍ വ്യാപിക്കുകയാണ്. മലകളുടെ വിവിധ ഭാഗങ്ങളില്‍ തീ പടരുന്നുന്നുണ്ട്. തീ ജനവാസ മേഖലയോട് അടുത്തിട്ടുണ്ടെന്ന് സ്ഥലത്തുനിന്നുള്ള റിപ്പോര്‍ട്ടുകളില്‍ പറയുന്നു. തിങ്കളാഴ്ച്ച ഉച്ചയോടെയാണ് ഇവിടെ തീപിടിത്തമുണ്ടായത്. ഒരു മല ഏറെക്കുറെ കത്തിത്തീരുകയും, അടുത്ത മലയിലേക്ക് തീ വ്യാപിക്കുകയുമാണെന്നാണ് വിവരം. വനംവകുപ്പ്, ഫയര്‍ഫോഴ്‌സ്, പൊലീസ് എന്നിവ സംയുക്തമായാണ് തീ നിയന്ത്രണ വിധേയമാക്കാന്‍ ശ്രമിക്കുന്നത്. പുല്‍മേടുകളിലാണ് തീപിടിത്തമുണ്ടാതെന്നാണ് സൂചന.