ഭോപ്പാല്‍: വിവാഹാഘോഷ പരിപാടിയില്‍ നൃത്തം ചെയ്തു കൊണ്ടിരിക്കെ യുവതി കുഴഞ്ഞു വീണു മരിച്ചു. ഇന്‍ഡോര്‍ സ്വദേശിനിയായ പ്രണിത ജെയിന്‍ (22) ആണ് മരിച്ചത്. വിദിഷ ജില്ലയിലെ ഒരു റിസോര്‍ട്ടിലാണ് സംഭവം. ബന്ധുവിന്റെ വിവാഹചടങ്ങില്‍ പങ്കെടുക്കുന്നതിനാണ് യുവതി റിസോര്‍ട്ടില്‍ എത്തിയത്. 200ല്‍പരം അതിഥികള്‍ പങ്കെടുത്ത ചടങ്ങില്‍ പരിണിത നൃത്തം വച്ചു കൊണ്ടിരിക്കുമ്പോഴാണ് കുഴഞ്ഞു വീണത്. അതിഥികളുടെ കൂട്ടത്തില്‍ ഉണ്ടായിരുന്ന ഒരു ഡോക്ടര്‍ പ്രഥമ ശുശ്രൂഷ നല്‍കിയെങ്കിലും രക്ഷിക്കാനായില്ല. പ്രണിതയുടെ സഹോദരന്‍ 12 വയസ്സുള്ളപ്പോള്‍ കുഴഞ്ഞു വീണു മരിച്ചിരുന്നു.
