മംഗളൂരു: തവളയെ പിടിക്കാൻ ഇറങ്ങിയ യുവാവ് നദിയിൽ വീണു മരിച്ചു. ഉള്ളാളിലെ ഹരേക്കൽ ബൈത്തറിനടുത്തുള്ള വിനോദ് ഗാട്ടി എന്ന 40 വയസ്സുകാരനാണ് മുങ്ങിമരിച്ചത്. ഞായറാഴ്ച വൈകിട്ടാണ് സംഭവം.
തവളകളെ പിടിക്കാൻ ശ്രമിക്കുന്നതിനിടെ നദിയിൽ വീണാണ് അപകടം.
പമ്പ്വെല്ലിലെ ജോലി കഴിഞ്ഞ് തിരിച്ചെത്തിയ വിനോദ് തവളകളെ പിടിക്കാൻ ചെളിവെള്ളത്തിലേക്ക് ഇറങ്ങി. കാൽ കുടുങ്ങി, രക്ഷപ്പെടാൻ കഴിയാതെ അദ്ദേഹം ദാരുണമായി മരണപ്പെടുകയായിരുന്നു. മൃതദേഹം വെൻലോക് ആശുപത്രിയിലേക്ക് മാറ്റി.
വിവാഹിതനായ വിനോദിന് ഭാര്യയും ഒരു മകനുമുണ്ട്.