കൊച്ചി: നെടുമ്പാശേരി വിമാനത്താവളത്തിലെ ഓടയില്‍ വീണ് മൂന്ന് വയസുകാരന്‍ മരിച്ചു. രാജസ്ഥാന്‍ സ്വദേശിയുടെ മകന്‍ റിദാനാണ് മരിച്ചത്. അപകടത്തില്‍പ്പെട്ടതിന് പിന്നാലെ കുട്ടിയെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാന്‍ കഴിഞ്ഞില്ല. ആഭ്യന്തര വിമാനത്താവളത്തിന് പുറത്തുള്ള കഫ്തീരിയയ്ക്കടുത്തെ പൂന്തോട്ടത്തില്‍ ഉച്ചയോടെയാണ് സംഭവമുണ്ടായത്. മാതാപിതാക്കള്‍ ഭക്ഷണം കഴിക്കുന്നതിനിടെ മൂത്ത സഹോദരനൊപ്പം കളിക്കുന്നതിനിടെ റിദാന്‍ ഓടയിലേക്കു വീണുപോവുകയായിരുന്നു. അവശനിലയില്‍ കണ്ടെത്തിയ കുരുന്നിനെ ആശുപത്രിയില്‍ എത്തിച്ചുവെങ്കിലും മരിച്ചിരുന്നു.