പത്തനംതിട്ട: മകരജ്യോതി തെളിയാന്‍ മണിക്കൂറുകള്‍ മാത്രം ബാക്കിയിരിക്കെ വ്യാജ തിരിച്ചറിയല്‍ കാര്‍ഡും വയര്‍ലെസ് സെറ്റുകളുമായി അഞ്ചു പേര്‍ പിടിയില്‍. കര്‍ണ്ണാടക സ്വദേശിയെന്നു സംശയിക്കുന്ന രാഘവേന്ദ്ര പ്രഭാകറും മലേഷ്യയില്‍ നിന്നുള്ള നാലു പേരുമാണ് പിടിയിലായത്. കര്‍ണ്ണാടക, മാണ്ഡി പൊലീസിന്റെ പേരിലുള്ള തിരിച്ചറിയല്‍ കാര്‍ഡാണ് ഇയാളില്‍ നിന്നു പിടികൂടിയത്. രണ്ടു വയര്‍ലെസ് സെറ്റുകളും പിടികൂടിയിട്ടുണ്ട്. കസ്റ്റഡിയിലായ രാഘവേന്ദ്ര പ്രഭാകറിനെ ചോദ്യം ചെയ്തു വരികയാണ്. എന്താണ് സംഘത്തിന്റെ ലക്ഷ്യമെന്നു വ്യക്തമല്ല. വയര്‍ലെസ് സെറ്റുകള്‍ കൈവശം വച്ചതാണ് സംഘം പിടിയിലാകാന്‍ ഇടയാക്കിയത്.