കാസര്കോട്: ബൈക്കപകടത്തില് പരിക്കേറ്റ് ചികിത്സയിലായിരുന്ന ഡിവൈഎഫ്ഐ പ്രവര്ത്തകന് മരിച്ചു. മിയാപ്പദവ്, ബാളിയൂര്, പരന്തരഗുരിയിലെ പരേതനായ പത്മനാഭ പൂജാരിയുടെ മകന് ചേതന് കുമാര് (24) ആണ് മരിച്ചത്. മംഗ്ളൂരുവിലെ ആശുപത്രിയില് ചികിത്സയിലായിരുന്നു.
പെയ്ന്റിംഗ് തൊഴിലാളിയായ ചേതന് കുമാര് പുതുവത്സര തലേന്ന് രാത്രി മംഗ്ളൂരുവില് നിന്നു ബൈക്കില് വീട്ടിലേക്ക് വരുന്നതിനിടയിലാണ് അപകടത്തില്പ്പെട്ടത്. മാതാവ്: ജാനകി. ചിഗുറുപാദ ഫ്രന്റ്സ് ക്ലബ്ബ് പ്രവര്ത്തകന് കൂടിയായിരുന്നു ചേതന് കുമാര്.
