കൊച്ചി: ബോബി ചെമ്മണൂരിന്റെ ജാമ്യ ഹര്ജി പ്രത്യേകമായി പരിഗണിക്കാന് കഴിയില്ലെന്ന് ഹൈക്കോടതി.
നടി ഹണി റോസിനെതിരെ ലൈംഗികാധിക്ഷേപ പരാമര്ശം നടത്തിയതിന് റിമാന്ഡിലായ വ്യവസായി ബോബി ചെമ്മണ്ണൂര് ജയിലില് തുടരും. ജാമ്യ ഹര്ജി പരിഗണിക്കുന്നത് ചൊവ്വാഴ്ചത്തേക്ക് മാറ്റി. എറണാകുളം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി ജാമ്യം നിഷേധിച്ചതോടെയാണ് ഹൈക്കോടതിയില് ബോബി ചെമ്മണ്ണൂര് ജാമ്യാപേക്ഷ നല്കിയത്. എല്ലാ പ്രതികള്ക്കും ഒരേ പരിഗണന എന്ന സമീപനമാണ് കോടതിക്കുള്ളതെന്നും അതുകൊണ്ടുതന്നെ അദ്ദേഹത്തിന്റെ ജാമ്യഹര്ജി ചൊവ്വാഴ്ച പരിഗണിക്കാമെന്നുമാണ് കോടതി പറഞ്ഞത്. നടിയോട് മോശമായി പെരുമാറിയിട്ടില്ല. തനിക്കെതിരെ ആരോപിച്ചിരിക്കുന്ന കുറ്റങ്ങള് നിലനില്ക്കുന്നതല്ലെന്നും മജിസ്ട്രേറ്റ് കോടതി താന് ഹാജരാക്കിയ രേഖകള് കൃത്യമായി പരിശോധിച്ചില്ലെന്നും ബോബി ചെമ്മണ്ണൂര് കോടതിയെ അറിയിച്ചു.
എന്നാല് അടിയന്തരമായി ഹര്ജി പരിഗണിക്കേണ്ട എന്ത് സാഹചര്യം ആണുള്ളതെന്ന് ചോദിച്ച ഹൈക്കോടതി, പൊതുവിടത്തില് സംസാരിക്കുമ്പോള് ശ്രദ്ധിക്കണ്ടേയെന്നും ആരാഞ്ഞു. സമാന പരാമര്ശങ്ങള് ഇനി ആവര്ത്തിക്കില്ലെന്ന് ബോബി ചെമ്മണ്ണൂര് ഉറപ്പു നല്കാമെന്ന് അഭിഭാഷകന് കോടതിയെ അറിയിച്ചു. മറുപടി പറയാന് സര്ക്കാരിന് സമയം നല്കിയ കോടതി ഹര്ജി പരിഗണിക്കുന്നത് ചൊവ്വാഴ്ചത്തേക്ക് മാറ്റി.
തറ ചികിത്സ വേണ്ട
Saturday, 6 June 2026, 19:27
