കൊച്ചി: തെങ്ങ് കടപുഴകി ദേഹത്ത് വീണ് 5 വയസുകാരന് ദാരുണാന്ത്യം. പെരുമ്പാവൂര്‍ പോഞ്ഞാശ്ശേരി മരോട്ടിച്ചുവടില്‍ വാടകയ്ക്ക് താമസിക്കുന്ന അസം സ്വദേശി മുഹമ്മദിന്റെ മകന്‍ അല്‍ അമീന്‍ (5) ആണ് മരിച്ചത്. ശനിയാഴ്ച രാവിലെ എട്ടുമണിയോടെയാണ് സംഭവം. തെങ്ങിന്റെ അടിഭാഗം കേടായിക്കിടക്കുന്നത് വീട്ടുകാര്‍ അറിഞ്ഞിരുന്നില്ല. ഇതിന്റെ സമീപത്ത് തീയിട്ടപ്പോള്‍ തണുപ്പകറ്റാനായി കുട്ടി തെങ്ങിന് സമീപം നില്‍ക്കുകയായിരുന്നു. പെട്ടെന്നാണ് തെങ്ങ് മറിഞ്ഞ് കുട്ടിയുടെ ദേഹത്ത് വീണത്. കുട്ടിയെ ഉടന്‍ തന്നെ ആലുവയിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. മരോട്ടിച്ചുവട് സ്വദേശി അബ്ദുല്‍ സലാംമിന്റെ ഉടമസ്ഥതയിലുള്ളതാണ് വാടക കെട്ടിടങ്ങള്‍.