കൊച്ചി: ലൈംഗിക അതിക്രമ കേസുകളില് നടന്മാരായ മുകേഷിനും ഇടവേള ബാബുവിനുമെതിരെ കുറ്റപത്രം സമര്പ്പിച്ചു. വടക്കാഞ്ചേരി സ്റ്റേഷനില് രജിസ്റ്റര് ചെയ്ത കേസിലാണ് മുകേഷിനെതിരെ എഐജി പൂങ്കുഴലിയുടെ നേതൃത്വത്തിലുള്ള പ്രത്യേക അന്വേഷണ സംഘം കുറ്റപത്രം സമര്പ്പിച്ചത്. നടിയുടെ പരാതിയിലാണ് മുകേഷിനെതിരെ കേസ് എടുത്തത്. 2011ല് സിനിമാ ചിത്രീകരണത്തിനിടെ വടക്കാഞ്ചേരിയിലെ ഹോട്ടലില് വെച്ച് ലൈംഗികാതിക്രമം കാട്ടി എന്നതായിരുന്നു നടിയുടെ പരാതി.
കുറ്റപത്രത്തില് മുപ്പത് സാക്ഷികളാണുള്ളത്. ഹേമ കമ്മിറ്റി റിപ്പോര്ട്ട് പുറത്തുവന്നതിന് പിന്നാലെയാണ് മുകേഷിനെതിരെ നടി ലൈംഗികാരോപണം ഉന്നയിച്ചത്. ആലുവ സ്വദേശിയായ യുവ നടിയുടെ പരാതിയില് കൊച്ചി മരട് പൊലീസും മുകേഷിനെതിരെ കേസെടുത്തിരുന്നു.
നടന് ഇടവേള ബാബുവിനെതിരെ എറണാകുളം നോര്ത്ത് സ്റ്റേഷനില് രജിസ്റ്റര് ചെയ്ത കേസിലാണ് കുറ്റപത്രം സമര്പ്പിച്ചത്. ആലുവ സ്വദേശിയായ നടിയുടെ പരാതിയിലായിരുന്നു പീഡനക്കേസ്. താരസംഘടനയായ അമ്മയില് അംഗത്വം വാഗ്ദാനം ചെയ്ത് കലൂരിലെ ഫ്ളാറ്റില് വെച്ച് പീഡിപ്പിച്ചെന്നായിരുന്നു പരാതി. കുറ്റപത്രത്തില് 40 സാക്ഷികളുടെ മൊഴിയുണ്ട്.
സഹോദരിയെ വധിക്കാന് ശ്രമിച്ച കേസില് ജാമ്യത്തിലിറങ്ങിയ യുവാവ് വീട്ടില് മരിച്ച നിലയില്
Sunday, 21 June 2026, 13:02
