കാസര്കോട്: നാടിന്റെ ചിരകാല സ്വപ്നമായ പാലം യാഥാര്ഥ്യമായതിന്റെ ആഹ്ലാദത്തിലാണ് മടിക്കൈ പുളിക്കാല് നിവാസികള്. നീലേശ്വരം-കാഞ്ഞിരപൊയില് റോഡില് പുളിക്കാലിലെ ചാലില് പുതുക്കിപ്പണിത പാലം മന്ത്രി പിഎ മുഹമ്മദ് റിയാസ് നാടിന് സമര്പ്പിച്ചു. ഇ.ചന്ദ്രശേഖരന് എം.എല്.എ. അധ്യക്ഷനായി. ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന് സംബന്ധിച്ചു.
കാലപ്പഴക്കം കാരണം അപകടാവസ്ഥയിലായ പഴയപാലം പൊളിച്ചാണ് 3 കോടി 29 ലക്ഷം രൂപ ചിലവില് പുതിയ പാലം നിര്മിച്ചത്. നാട്ടുകാരുടെ നീണ്ട മുറവിളിക്ക് ശേഷമാണ് പുളിക്കാലില് പഴയ പാലം പൊളിച്ച് പുതിയ പാലം യാഥാര്ഥ്യമാക്കിയത്. 2018 ലെ ബജറ്റില് 60 കോടി അനുവദിച്ച പടന്നക്കാട് -വെള്ളരിക്കുണ്ട് റോഡ് വികസനപദ്ധതിയില് ഉള്പ്പെട്ടതായിരുന്നു പുളിക്കാല് പാലം പുതുക്കിപ്പണിയല്. പടന്നക്കാട് നിന്നും തുടങ്ങി നമ്പ്യാര്ക്കാല്, ഉപ്പിലിക്കൈ ചതുരക്കിണര് വഴി കൂലോം റോഡിലേക്കും അവിടെ നിന്ന് മൂന്നുറോഡ്, മയ്യങ്ങാനം പാലം വഴി കാലിച്ചാനടുക്കം ടൗണിലുമെത്താം.
സിവിൽ സപ്ലൈസ് ഓണം ഫെയർ നീലേശ്വരത്ത് തുടങ്ങി
Saturday, 15 August 2026, 11:47
