കാസർകോട്: കർണാടകയിൽ നിന്നും മഹാരാഷ്ട്ര രജിസ്ട്രേഷനിലുള്ള കാറിൽ 86.4 ലിറ്റർ മദ്യം കടത്തിയ രണ്ട് യുവാക്കൾ അറസ്റ്റിൽ. കിദൂർ സ്വദേശി മിതേഷ്, കളത്തൂർ ചെക്ക് പോസ്റ്റിന് സമീപത്തെ പ്രവീൺകുമാർ എന്നിവരാണ് പിടിയിലായത്. വെള്ളിയാഴ്ച അർദ്ധരാത്രി പെരിയാട്ടെടുക്കത്ത് വച്ചാണ് മദ്യ കടത്ത് പിടികൂടിയത്. രഹസ്യ വിവരത്തെ തുടർന്ന് ഹോസ്ദുർഗ് എക്സൈസ് സർക്കിൾ ഇൻസ്പെക്ടർ എം ദിലീപും സംഘവുമാണ് വാഹന പരിശോധന നടത്തിയത്.
അസിസ്റ്റൻറ് എക്സൈസ് ഇൻസ്പെക്ടർ എം രാജീവൻ, പ്രിവന്റീവ്ഓഫീസർ ഗ്രേഡ് പികെ ബാബുരാജ്, സിവിൽ എക്സൈസ് ഓഫീസർമാരായ മനോജ് പി സിജു, സിവിൽ എക്സൈസ് ഓഫീസർ ദിജിത്ത്, ഹോസ്ദുർഗ് റേഞ്ച് ഓഫീസിലെ സിവിൽ എക്സൈസ് ഓഫീസർ സനൽ എന്നിവരാണ് എക്സൈസ് സംഘത്തിലുണ്ടായിരുന്നത്.