കാസര്‍കോട്: പ്രായപൂര്‍ത്തിയാകാത്ത മൂന്നു പെണ്‍കുട്ടികളെ പീഡിപ്പിച്ച സംഭവത്തില്‍ ബദിയഡുക്ക, ബേഡകം പൊലീസ് സ്റ്റേഷനുകളില്‍ നാലു പോക്‌സോ കേസുകള്‍ രജിസ്റ്റര്‍ ചെയ്തു. 11 വയസുള്ള പെണ്‍കുട്ടിയെ പീഡിപ്പിച്ചുവെന്ന പരാതിയില്‍ രണ്ടാനച്ഛനെതിരെയാണ് ബദിയഡുക്ക പൊലീസ് കേസെടുത്തത്. പ്രതി പൊലീസ് കസ്റ്റഡിയിലാണ്.
ബേഡകം പൊലീസ് മൂന്നു കേസുകളാണ് രജിസ്റ്റര്‍ ചെയ്തത്. മൂന്നു കേസുകളിലെയും പരാതിക്കാരും പ്രതികളും പ്രായപൂര്‍ത്തിയാകാത്തവരാണ്. കൗണ്‍സിലിംഗിനിടയിലാണ് നേരത്തെ നടന്ന പീഡനവിവരം പുറത്തായത്.