ഇടുക്കി: കൈക്കൂലി കേസില്‍ ഇടുക്കി ഡിഎംഒ യെ വിജിലന്‍സ് അറസ്റ്റ് ചെയ്തു. ഡോ. എല്‍ മനോജാണ് പിടിയിലായത്. മൂന്നാറിലെ ഒരു ഹോട്ടലിന് ഫിറ്റ്‌നസ് സര്‍ട്ടിഫിക്കറ്റ് അനുവദിക്കാന്‍ 75,000 രൂപ കൈക്കൂലി വാങ്ങിയ കേസിലാണ് അറസ്റ്റ് ചെയ്തത്. ഡിഎംഒയുടെ ഡ്രൈവറുടെ ഗൂഗിള്‍ അക്കൗണ്ട് വഴിയാണ് പണം സ്വീകരിച്ചത്. ഡ്രൈവര്‍ രാഹുല്‍ രാജിനെയും വിജിലന്‍സ് കസ്റ്റഡിയിലെടുത്തു. സസ്‌പെന്‍ഷനിലായിരുന്ന ഡോ.മനോജ് അഡ്മിനിസ്‌ട്രേറ്റീവ് ട്രൈബ്യൂണലിനെ സമീപിച്ച് സസ്‌പെന്‍ഷന് സ്റ്റേ വാങ്ങിയിരുന്നു. ബുധനാഴ്ച തിരികെ സര്‍വീസില്‍ പ്രവേശിച്ചതിന് പിന്നാലെയാണ് അറസ്റ്റ് ചെയ്തത്. നിരവധി പരാതികളാണ് ഡിഎംഒ ക്കെതിരെ ഉയര്‍ന്നുവന്നത്. ഇടുക്കി ജില്ലയിലെ വിവിധ ഗവണ്‍മെന്റ് ആശുപത്രികളില്‍ നിന്നും സ്ഥലംമാറ്റം ലഭിച്ച ഡോക്ടര്‍മാരെ സ്ഥലംമാറ്റം നല്‍കാതെ ഇതേ ആശുപത്രികളില്‍ തന്നെ തുടരുന്നതിന് ഡോക്ടര്‍മാരില്‍ നിന്നും ലക്ഷകണക്കിന് തുക കൈക്കൂലിയായി വാങ്ങിയതായും കണ്ടെത്തയിരുന്നു.
പത്ത് ദിവസം നീണ്ടു നിന്ന കുമ്പള ആരിക്കാടി കടവത്ത് മഖാം ഉറൂസിന് നാളെ സമാപനം, തിരക്കിലമര്‍ന്ന് നഗരി
Saturday, 19 April 2025, 10:57
