ദുബായ്: ഇന്റര്‍നാഷണല്‍ ഫിറ്റ്‌നസ് ബോഡി ബില്‍ഡ് ഫെഡറേഷന്‍ അര്‍മേനിയയില്‍ നടത്തിയ അന്താരാഷ്ട്ര ബോഡി ബില്‍ഡിംഗ് മത്സരത്തില്‍ അഫ്റാസ് മരവയല്‍ രണ്ടാം സ്ഥാനം കരസ്ഥമാക്കി.
യു.എ.ഇയില്‍ നടന്ന ദേശീയ-അന്താരാഷ്ട്ര ബോഡി ഫിറ്റ്‌നസ് മത്സരങ്ങളില്‍ പങ്കെടുത്ത് നിരവധി സമ്മാനങ്ങള്‍ ഇതിന് മുമ്പും അഫ്റാസ് കരസ്ഥമാക്കിയിട്ടുണ്ട്. കഠിനമായ പരിശ്രമത്തിലൂടെയാണ് അഫ്റാസ് ഈ മേഖലയില്‍ തന്റെ കഴിവുകള്‍ പ്രകടിപ്പിക്കുന്നത്.
ദുബായ് ആസ്ഥാനമായി പ്രവര്‍ത്തിക്കുന്ന സഫാ ഗ്രൂപ്പ് ഓഫ് കമ്പനി മാനേജിങ് ഡയറക്ടറും, കാസര്‍കോട് സി.എച്ച് സെന്റര്‍ ഡയറക്റ്റര്‍ ബോര്‍ഡ് അംഗം, ദുബായ് മേല്‍പറമ്പ് ജമാഅത്ത് കമ്മിറ്റി ട്രഷറര്‍, ജിംഖാന ഗള്‍ഫ് ചാപ്റ്റര്‍ പ്രസിഡന്റ് എന്നീ നിലകളില്‍ പ്രവര്‍ത്തിക്കുന്ന ഹനീഫ് മരവയലിന്റെ മകനാണ് അഫ്റാസ്. സമീറ കളനാട് മാതാവാണ്.
