കാസര്‍കോട്: ഓടിക്കൊണ്ടിരിക്കുന്നതിനിടയില്‍ ടയര്‍ പഞ്ചറായി നിയന്ത്രണം തെറ്റിയ കാര്‍ തലകീഴായി മറിഞ്ഞു. കാറോടിച്ചിരുന്ന യുവാവ് അത്ഭുതകരമായി രക്ഷപ്പെട്ടു.
വ്യാഴാഴ്ച ഉച്ചയ്ക്ക് 11.30 മണിയോടെയാണ് അപകടം. കുമ്പള-കെ.എസ്.ടി.പി റോഡിലെ ഭാസ്‌കര നഗറിലാണ് കാര്‍ അപകടത്തില്‍ പെട്ടത്. കന്യപ്പാടി, മലങ്കരയിലെ ജലീല്‍ ഓടിച്ചിരുന്ന റിട്‌സ് കാറാണ് അപകടത്തില്‍പെട്ടത്. കുമ്പള ഭാഗത്തേയ്ക്ക് വരികയായിരുന്നു കാര്‍. ഓടിക്കൊണ്ടിരിക്കെ ടയര്‍ പഞ്ചറായതിനെത്തുടര്‍ന്ന് റോഡില്‍ നിന്നു തെന്നി മാറിയ കാര്‍ ഓടയില്‍ വീഴുകയും തലകീഴായി മറിയുകയായിരുന്നുവെന്നു ദൃക്‌സാക്ഷികള്‍ പറഞ്ഞു. ഓടിക്കൂടിയ പരിസരവാസികളാണ് കാര്‍ എടുത്തുയര്‍ത്തി ജലീലിനെ രക്ഷിച്ചത്.
കഴുത്തില് കത്തിവച്ച് യുവതിയുടെ നാലു പവന് മാല തട്ടിയെടുത്തു; അക്രമി മണിക്കൂറുകള്ക്കകം പിടിയില്
Wednesday, 21 May 2025, 13:29
