പാലക്കാട്: ലോറി തടഞ്ഞു നിര്‍ത്തി 50 പോത്തുകളെയും 27 മൂരികളെയും കടത്തിക്കൊണ്ടു പോയി. വടക്കാഞ്ചേരിയില്‍ ബുധനാഴ്ച പുലര്‍ച്ചെ നാലു മണിയോടെയാണ് സംഭവം. കാറിലും ബൈക്കിലും ജീപ്പിലുമെത്തിയ സംഘമാണ് ലോറി തടഞ്ഞു നിര്‍ത്തി മൃഗങ്ങളെ കടത്തിക്കൊണ്ടുപോയത്. ആന്ധ്രയില്‍ നിന്നു കോട്ടയത്തേക്ക് പോവുകയായിരുന്നു ലോറി. കടത്തിക്കൊണ്ടുപോയ ലോറിയെയും മൃഗങ്ങളെയും പിന്നീട് ഉപേക്ഷിച്ച നിലയില്‍ കണ്ടെത്തി. സംഭവത്തില്‍ ഷജീര്‍, ഷമീര്‍ എന്നിവരെ പൊലീസ് കസ്റ്റഡിയിലെടുത്തു.
