ദുബൈ: ദുബൈ രാജകുമാരി ഷെയ്ഖ മഹ്റ ബിന്ത് മുഹമ്മദ് ബിന് റാഷിദ് അല് മക്തൂം ഇന്സ്റ്റഗ്രാം പോസ്റ്റില് ഭര്ത്താവിനെ ഉപേക്ഷിച്ചു. ‘പ്രിയപ്പെട്ട ഭര്ത്താവേ, നിങ്ങള് മറ്റു കൂട്ടാളികളുമായി തിരക്കിലായതിനാല് നമ്മുടെ വിവാഹമോചനം ഞാന് ഇതിനാല് പ്രഖ്യാപിക്കുന്നു. ഞാന് നിങ്ങളെ വിവാഹമോചനം ചെയ്യുന്നു. ഞാന് നിങ്ങളെ വിവാഹമോചനം ചെയ്യുന്നു. ഞാന് നിങ്ങളെ വിവാഹമോചനം ചെയ്യുന്നു. ശ്രദ്ധിക്കുക. നിങ്ങളുടെ മുന് ഭാര്യ’
ഇന്സ്റ്റഗ്രാം പോസ്റ്റ് സോഷ്യല് മീഡിയയില് വൈറലായിരുന്നു. ദമ്പതികള് ഇന്സ്റ്റഗ്രാമില് പരസ്പരം അണ്ഫോളോ ചെയ്യുന്നതും അവരുടെ പ്രൊഫൈലുകളില് നിന്നു പരസ്പരം എല്ലാ ഫോട്ടോകളും ഇല്ലാതാക്കുന്നതും പലരും ശ്രദ്ധിച്ചു. ജോഡികള് പരസ്പരം ബ്ലോക്കു ചെയ്തതായി ചിലര് ഊഹിച്ചു. മറ്റു ചിലര് മിസ് ഷെയ്ഖ മഹ്റയുടെ അക്കൗണ്ട് ഹാക്ക് ചെയ്യപ്പെട്ടോ എന്നു സംശയിച്ചു. ദൈവം നിങ്ങളെ അനുഗ്രഹിക്കട്ടെ എന്നു ചിലര് കമന്റു ചെയ്തു. കഴിഞ്ഞ വര്ഷം മേയിലാണ് ദമ്പതികള് വിവാഹിതരായത്. ഇവര്ക്കു രണ്ടു മാസം പ്രായമായ പെണ്കുട്ടിയുണ്ട്.
