കാസര്‍കോട്: ശക്തമായ കാറ്റിലും മഴയിലും കുമ്പള മാട്ടംകുഴിയില്‍ തെങ്ങുകള്‍ കടപുഴകി വീണു. വൈദ്യുതി തൂണുകളും ലൈനുകളും തകര്‍ന്നു. ഹൈടെന്‍ഷന്‍ ലൈന്‍ കാല്‍നട യാത്രക്കാരന്റെ മുകളില്‍ വീണെങ്കിലും ഈ സമയത്ത് വൈദ്യുതി പ്രവഹിക്കാത്തതിനാല്‍ ഭാഗ്യം കൊണ്ട് രക്ഷപ്പെട്ടു. വിവരറിഞ്ഞെത്തിയ വൈദ്യുതി വകുപ്പ് ജീവനക്കാര്‍ പ്രദേശത്തെ വൈദ്യുതി ബന്ധം വിച്ഛേദിച്ചു. ചൊവ്വാഴ്ച വൈകീട്ടാണ് ശക്തമായ മഴയും കാറ്റുമുണ്ടായത്. വ്യാഴാഴ്ച ചെരിഞ്ഞ പോസറ്റുകള്‍ നന്നാക്കി വൈദ്യുതി ബന്ധം പുനസ്ഥാപിക്കുമെന്ന് അധികൃതര്‍ അറിയിച്ചു.