കോഴിക്കോട്: പന്തീരാങ്കാവ് ഗാര്ഹിക പീഡനക്കേസിലെ പ്രതി രാഹുല് പി.ഗോപാല് ജര്മനിയിലെത്തിയതായി പൊലീസ് സ്ഥീരീകരിച്ചു. ബംഗളൂരുവില്നിന്ന് സിംഗപ്പൂര് വഴിയാണ് ജര്മ്മനിയിലേക്ക് പോയതെന്ന് കരുതുന്നു. രാഹുല് പി.ഗോപാലിനെ നാട്ടിലെത്തിക്കാനായി പൊലീസ് ബ്ലൂ കോര്ണര് നോട്ടീസ് പുറപ്പെടുവിച്ചു. സംഭവത്തില് രാഹുലിന്റെ ബാങ്ക് അക്കൗണ്ട് മരവിപ്പിച്ചു. വിദേശത്തുള്ള അക്കൗണ്ട് മരവിപ്പിക്കാനുള്ള ശ്രമവും തുടങ്ങി. രാഹുലിനെ കണ്ടെത്താന് ഇന്റര്പോളിന്റെ സഹായം തേടും. രാഹുലിനു ജര്മനിയില് ജോലിയുണ്ടെന്നു പറഞ്ഞതു കളവാണോയെന്നു പൊലീസ് സംശയിക്കുന്നു. വിശദമായ അന്വഷണത്തിനു വിദേശ ഏജന്സികളുടെ സഹായം ആവശ്യമാണ്. ഇന്റര്പോളിന്റെ സഹായത്തോടെ അന്വേഷണം നടത്താനാണ് ആലോചന. രാഹുലിന്റെ അമ്മയെ പൊലീസ് കസ്റ്റഡിയിലെടുത്ത് വിശദമായി ചോദ്യം ചെയ്യുമെന്നാണ് വിവരം. പെണ്കുട്ടിയുടെ മൊഴിയുടെ അടിസ്ഥാനത്തിലാണ് ചോദ്യം ചെയ്യുന്നത്.
രാഹുലിന്റെ വീട്ടില് പൊലീസ് എത്തിയപ്പോള് വീട് പൂട്ടിയ നിലയിലായിരുന്നു. വിവാഹം കഴിഞ്ഞു വീട്ടിലെത്തിയ വധുവിനെ രാഹുല് നിര്ബന്ധിച്ച് മദ്യം കുടിപ്പിച്ചതായും ഉടന് ഛര്ദിച്ചതായും വധു പൊലീസിനു മൊഴി നല്കിയിരുന്നു. വീട്ടില് രാഹുലിന്റെ അമ്മ ഉഷാകുമാരിയും സുഹൃത്തും ഒപ്പം മദ്യപിക്കാനുണ്ടായിരുന്നു. അന്വേഷണ ചുമതലയുള്ള ഫറോക്ക് ഡിവിഷന് അസി.കമ്മിഷണര്ക്ക് വധുവിന്റെ മൊഴി പൊലീസ് സംഘം കൈമാറി.
മലയോരത്തു കളിചിരിയും കുരുന്നുകളുടെ നൃത്ത ചുവടുകളുവുമായി സ്കൂൾ പ്രവേശനോൽസവം
Monday, 1 June 2026, 13:15
