പട്ടാമ്പി കൊടുമുണ്ട തീരദേശ റോഡിൽ യുവതിയുടെ മൃതദേഹം കത്തിക്കരിഞ്ഞ നിലയിൽ കണ്ടെത്തി.
സംഭവ സ്ഥലത്ത് ഒരു സ്കൂട്ടർ മറിഞ്ഞ് നിലയിൽ കണ്ടെത്തിയിട്ടുണ്ട്.കാങ്ങാട്ടുപടി സ്വദേശി പ്രിവിയ (30) ആണ് മരിച്ചത്. മൃതദേഹത്തിന്റെ സമീപത്തായി ഒരു കത്തിയും അതിന്റെ കവറും കാണപ്പെട്ടു. ഞായറാഴ്ച്ച രാവിലെ എട്ടരയോടെയാണ് വഴിയാത്രക്കാർ മൃതദേഹം കണ്ടത്. ആശുപത്രി ജീവനക്കാരിയാണ് യുവതി. ശനിയാഴ്ച വൈകിട്ട് ജോലി കഴിഞ്ഞു വീട്ടിൽ പോകുന്നതിനിടെ സ്കൂട്ടർ തടഞ്ഞുനിർത്തി കൊലപ്പെടുത്തി എന്നാണ് പൊലീസ് പറയുന്നത്. യുവതിയുടെ വിവാഹ നിശ്ചയം അടുത്തദിവസം നടക്കാനിരിക്കേയാണ് കൊലപാതം. യുവതിയുടെ കാമുകനാണ് പിന്നിലെ എന്നാണ് സംശയം.
ഉന്നത പൊലീസ് ഉദ്യോഗസ്ഥരും ഫൊറന്സിക്ക് ഉദ്യോഗസ്ഥരും സ്ഥലത്തെത്തി. മൃതദേഹം ഇൻക്വസ്റ്റ് നടപടികൾക്ക് ശേഷം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് കൊണ്ടുപോയി.