ന്യൂഡല്ഹി: ഗ്യാന്വാപി മസ്ജിദില് പൂജക്ക് അനുമതി നല്കി വാരാണസി ജില്ലാ കോടതി. മസ്ജിദിന് താഴെ മുദ്രവെച്ച 10 നിലവറകളുടെ മുന്നില് പൂജ നടത്താനാണ് അനുമതി നല്കിയിരിക്കുന്നത്. ഹിന്ദു വിഭാഗത്തിന്റെ അഭിഭാഷകനെ ഉദ്ധരിച്ച് വാര്ത്ത ഏജന്സികളും ദേശീയ മാധ്യമങ്ങളും റിപ്പോര്ട്ട് ചെയ്തു. ഹിന്ദു വിഭാഗം ഉന്നയിച്ച പൂജയ്ക്കുള്ള അനുമതിയാണ് കോടതി നല്കിയിരിക്കുന്നത്. നാല് ഹിന്ദു സ്ത്രീകളായിരുന്നു ഈ ആവശ്യവുമായി ജില്ലാ കോടതിയെ സമീപിച്ചിരുന്നത്. കോടതി വിധിയുടെ കൂടുതല് വിവരങ്ങള് പുറത്തുവന്നിട്ടില്ല. മസ്ജിദിന്റെ അടിത്തട്ടിലുള്ള തെക്ക് ഭാഗത്തെ നിലവറയിലെ വിഗ്രഹങ്ങളില് പൂജ നടത്താനുള്ള സൗകര്യങ്ങള് ഒരുക്കാന് ജില്ലാ മജിസ്ട്രേറ്റിനോട് കോടതി നിര്ദേശിച്ചു. ഏഴ് ദിവസത്തിനകം ഇവിടെ പൂജ തുടങ്ങുമെന്നാണ് വിവരം.
2022 മേയ് മാസത്തിലാണ് വാരാണസി പ്രാദേശിക കോടതി പള്ളിയുടെ ഒരു വിഡിയോഗ്രാഫിക് സര്വേ നടത്താന് അനുമതി നല്കിയത്.
![](https://malayalam.karavaldaily.com/wp-content/uploads/2024/07/car-jsgdvb.jpg)