കാസര്‍കോട്: പതിമൂന്നുകാരിയെ സുഹൃത്തുക്കള്‍ പീഡിപ്പിച്ചതായി പരാതി. നാലുപേര്‍ക്കെതിരെ വെള്ളരിക്കുണ്ട് പൊലീസ് പോക്സോ ആക്ട് പ്രകാരം കേസെടുത്തു. എട്ടാംക്ലാസ് വിദ്യാര്‍ത്ഥിനിയാണ് പരാതിക്കാരി. സ്‌കൂളില്‍ നടന്ന കൗണ്‍സിലിംഗിലാണ് പീഡന വിവരം പുറത്തു വന്നത്. പ്രതികളെല്ലാം 23 വയസ്സിനു താഴെ പ്രായം ഉള്ളവരും പെണ്‍കുട്ടിയുമായി ബന്ധമുള്ളവരുമാണ്. ആദ്യം ഒരാളാണ് പെണ്‍കുട്ടിയെ പ്രലോഭിപ്പിച്ച് പീഡിപ്പിച്ചതെന്നു പറയുന്നു. ഈ വിവരമറിഞ്ഞാണ് മറ്റുമൂന്നുപേര്‍ കൂടി പീഡിപ്പിച്ചതത്രേ.