ന്യൂഡൽഹി: കനേഡിയൻ പൗരന്മാര്ക്കുള്ള വീസ സേവനങ്ങള് ഇന്ത്യ ഇന്നുമുതല് പുനരാരംഭിക്കും. കാനഡയില് ഉള്ള ഇന്ത്യൻ നയതന്ത്ര ഉദ്യോഗസ്ഥരുടെ സുരക്ഷ വിലയിരുത്തിയ ശേഷമാണ് വീസ സേവനങ്ങള് പുനരാരംഭിക്കാൻ തീരുമാനമെടുത്തത് ടൂറിസ്റ്റ്, മെഡിക്കല്, ബിസിനസ്, കോണ്ഫറൻസ് വീസകളാണ് പുനരാരംഭിക്കുക. സാഹചര്യം കൂടുതല് വിലയിരുത്തിയ ശേഷം ഉചിതമായ തീരുമാനങ്ങള് തുടര്ന്ന് കൈക്കൊള്ളുമെന്ന് കാനഡയിലെ ഇന്ത്യൻ ഹൈക്കമ്മീഷൻ അറിയിച്ചു.ഖാലിസ്ഥാൻ നേതാവ് ഹര്ദീപ്സിംഗ് നിജ്ജറിന്റെ കൊലപാതകത്തിന്റെ പേരില് ഉണ്ടായ നയതന്ത്ര സംഘര്ഷത്തിന്റെ ഭാഗമായി, കഴിഞ്ഞ മാസമാണ് കനേഡിയൻ പൗരന്മാര്ക്കുള്ള വീസ സേവനങ്ങള് ഇന്ത്യ നിര്ത്തിവെച്ചത്.ഇരു രാജ്യങ്ങളും തമ്മിലുള്ള നയതന്ത്ര ബന്ധം മോശമായതോടെ നയതന്ത്ര ഉദ്യോഗസ്ഥരുടെ എണ്ണം കുറക്കാൻ ഇന്ത്യ കാനഡയോട് ആവശ്യപ്പെടുകയും ചെയ്തു.
കാസര്കോട്ടെ ഹോട്ടലുടമ മോഹൻദാസ് കാമത്ത് കുഴഞ്ഞു വീണു മരിച്ചു
Tuesday, 2 June 2026, 12:41
