Author: WEB EDITOR

മലപ്പുറം: സ്ഥാനാര്‍ത്ഥിക്കെതിരെ ഫേസ്ബുക്കില്‍ പോസ്റ്റിട്ടതിന് ലീഗ് പ്രവര്‍ത്തകന് മര്‍ദ്ദനമേറ്റതായി പരാതി. മലപ്പുറം മങ്കടയില്‍ തിരൂര്‍ക്കാട് സ്വദേശി ഷബീറിനാണ് മര്‍ദ്ദനമേറ്റത്. സംഭവത്തില്‍ എല്‍ഡിഎഫ് സ്ഥാനാര്‍ത്ഥി കുന്നത്ത് മുഹമ്മദിന്റെ ഡ്രൈവര്‍ ഇക്ബാല്‍, സുഹൃത്ത് ആഷിഖ് എന്നിവര്‍ക്കെതിരെ പൊലീസ് കേസെടുത്തു സ്ഥാനാര്‍ത്ഥി കുന്നത്ത് മുഹമ്മദിനെതിരെ ഷബീര്‍ ഫേസ്ബുക്കില്‍ പോസ്റ്റിട്ടതാണ് മര്‍ദ്ദനത്തിന് കാരണമായതെന്ന് പറയുന്നു. പരിക്കേറ്റ ഷബീറിനെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

പുതുപ്പള്ളി: ഉമ്മന്‍ ചാണ്ടി ഇല്ലാത്ത ആദ്യത്തെ നിയമസഭാ തിരഞ്ഞെടുപ്പില്‍ ചാണ്ടി ഉമ്മന്‍ കുടുംബ സമേതമെത്തി വോട്ട് ചെയ്തു. പുതുപ്പള്ളി മണ്ഡലത്തിലെ യുഡിഎഫ് സ്ഥാനാര്‍ഥിയായ ചാണ്ടി ഉമ്മന്‍ പുതുപ്പള്ളി സ്‌കൂളിലെ പോളിങ് ബൂത്തില്‍ മാതാവിനും സഹോദരിക്കുമൊപ്പമെത്തിയാണ് വോട്ട് ചെയ്തത്. പുതുപ്പള്ളിയും കേരളവും ഇടതുപക്ഷ സര്‍ക്കാരിനെതിരെ വോട്ട് ചെയ്യുന്ന ദിനമാണിതെന്ന് ചാണ്ടി ഉമ്മന്‍ പറഞ്ഞു. എല്‍ഡിഎഫ് സര്‍ക്കാരിനെതിരെയുള്ള പ്രതിഷേധം അറിയിക്കാന്‍ കറുപ്പ് വസ്ത്രമിട്ടാണ് ചാണ്ടി ഉമ്മന്‍ ബൂത്തിലെത്തിയത്. കറുപ്പ് വസ്ത്രം ഇട്ടതിന് തന്നെ വിമര്‍ശിക്കുന്നവരോട് ഒന്നും പറയാനില്ലെന്ന് ചാണ്ടി ഉമ്മന്‍ …

Read more “ഉമ്മന്‍ ചാണ്ടി ഇല്ലാത്ത ആദ്യത്തെ നിയമസഭാ തിരഞ്ഞെടുപ്പ്; ചാണ്ടി ഉമ്മന്‍ കുടുംബ സമേതം വോട്ട് ചെയ്തു”

തിരുവനന്തപുരം: സംസ്ഥാന നിയമസഭാ തെരഞ്ഞെടുപ്പ് പുരോഗമിക്കുന്നു. നഗര ഗ്രാമ വ്യത്യാസങ്ങളേതുമില്ലാതെ കനത്ത പോളിംഗ് നടക്കുന്നതായാണ് റിപ്പോര്‍ട്ടുകളില്‍ പറയുന്നത്. ചിലയിടങ്ങളില്‍ യന്ത്ര തകരാര്‍ ഉണ്ടായതൊഴിച്ചാല്‍ കാര്യമായ പ്രശ്‌നങ്ങളൊന്നും ഉണ്ടായില്ല. ആദ്യ മണിക്കൂറുകളിലെ സ്ഥിതി തുടരുകയാണെങ്കില്‍ കേരളത്തില്‍ റെക്കോര്‍ഡ് പോളിംഗ് രേഖപ്പെടുത്തുമെന്നാണ് പൊതുവെ പ്രതീക്ഷിക്കുന്നത്.പോളിംഗ് ആരംഭിച്ചതിനു ശേഷവും വിജയ- പരാജയങ്ങളെ കുറിച്ച് യു ഡി എഫ്, എല്‍ ഡി എഫ്, ബി ജെ പി നേതാക്കള്‍ അവകാശവാദങ്ങള്‍ തുടരുകയാണ്. വികസന തുടര്‍ച്ച ഉണ്ടാകണമെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. മൂന്നാം …

Read more “കേരളത്തില്‍ കനത്ത പോളിംഗ്; അവകാശവാദങ്ങളുമായി നേതാക്കള്‍”

പത്തനംതിട്ട: സംസ്ഥാനത്ത് വോട്ടെടുപ്പ് പുരോഗമിക്കുന്നതിനിടെ വോട്ടിങ് മെഷീനിലെ സ്ഥാനാര്‍ത്ഥികളുടെ ഫോട്ടോയെ ചൊല്ലിയും പരാതി ഉയര്‍ന്നു. മല്ലപ്പുഴശേരി ബൂത്തിലെ വോട്ടിങ് മെഷീനില്‍ വീണാ ജോര്‍ജ്ജിന്റെ ഫോട്ടോയ്ക്ക് മാത്രമേ വ്യക്തതയുള്ളൂ എന്നും മറ്റു സ്ഥാനാര്‍ഥികളുടെ ഫോട്ടോ തെളിഞ്ഞു കാണുന്നില്ലെന്നുമാണ് പരാതി. ഇതുസംബന്ധിച്ച് കോണ്‍ഗ്രസ് ജില്ലാ കളക്ടറെ പരാതി അറിയിച്ചു. പരാതി പരിശോധിക്കുമെന്ന് കളക്ടര്‍ എസ്. പ്രേം കൃഷ്ണന്‍ അറിയിച്ചു. പത്തനംതിട്ട ജില്ലയിലെ ആറന്മുള മണ്ഡലത്തില്‍ വോട്ടെടുപ്പ് ആരംഭിച്ച് രണ്ടരമണിക്കൂറിനുള്ളില്‍ 17.33 ശതമാനമാണ് പോളിങ് രേഖപ്പെടുത്തിയത്. മഞ്ചേശ്വരത്തും വോട്ടിംഗ് മെഷീനില്‍ പ്രശ്നം; …

Read more “വോട്ടിങ് മെഷീനില്‍ സ്ഥാനാര്‍ത്ഥികളുടെ ഫോട്ടോയെ ചൊല്ലി പരാതി; വീണാ ജോര്‍ജ്ജിന്റെ ഫോട്ടോയ്ക്ക് മാത്രമേ വ്യക്തതയുള്ളൂ എന്ന് കോണ്‍ഗ്രസ്”