Author: WEB EDITOR

തിരുവനന്തപുരം: സംസ്ഥാനത്ത് ക്ഷേമ പെൻഷൻ വിതരണത്തിന് പണം അനുവദിച്ച് സർക്കാർ ഉത്തരവ് പുറത്തിറക്കി. 61 ലക്ഷത്തോളം ഗുണഭോക്താക്കൾക്കു പെൻഷൻ നൽകാൻ 860 കോടി രൂപയിലധികമാണ് അനുവദിച്ചത്. തുക വരും ദിവസങ്ങളിൽ ഗുണഭോക്താക്കൾക്കു ലഭിച്ചു തുടങ്ങും.1600 രൂപ വീതമാണ് ലഭിക്കുക. ബാങ്ക് അക്കൗണ്ടിൽ പെൻഷൻ ലഭിക്കുന്നവർക്കു ഇന്നോ നാളെയോ പണം ലഭിക്കും. സഹകരണ ബാങ്ക് ഏജന്റുമാർ വഴി നേരിട്ട് പെൻഷൻ വാങ്ങുന്നവർക്ക് തുടർന്നുള്ള ദിവസങ്ങളിലായി പണം ലഭിക്കുമെന്നും ധനമന്ത്രിയുടെ ഓഫിസ് അറിയിച്ചു. ഇനി 2 മാസ്റ്റർ പെൻഷനാണ് കുടിശികയുള്ളത്.

പാലക്കാട്: മണ്ണാർക്കാട്ട് കുടുംബ വഴക്കിനിടെ ഭർതൃപിതാവിനെ വെട്ടിപരുക്കേൽപിച്ച കേസിൽ മരുമകളെ പൊലീസ് അറസ്റ്റ് ചെയ്തു. കണ്ടമംഗലം പുറ്റാനിക്കാട്ടിൽ ഷെരീഫിന്റെ ഭാര്യ ഷബ്നയാണ് അറസ്റ്റിലായത്. ഷെരീഫിന്റെ പിതാവ് മുഹമ്മദാലിയെയാണ് ഷബ്ന വെട്ടി പരുക്കേൽപിച്ചത്. ഷെരീഫ് വിദേശത്താണ്. ഷെരീഫിന്റെയും ഷബ്നയുടെയും പേരിൽ സ്ഥലം വാങ്ങുന്നതിനായി വിറ്റ ഷബ്നയുടെ ആഭരണങ്ങൾ തിരിച്ചു നൽകാത്തതിലെ വിരോധമാണ് ആക്രമണത്തിൽ കലാശിച്ചത്. കഴിഞ്ഞ ചൊവ്വാഴ്ച ഇതേ ചൊല്ലി ഇരുവരും തമ്മിലുണ്ടായ തർക്കത്തിനിടെ മുഹമ്മദാലിയെ ഷബ്ന വെട്ടുകയായിരുന്നു. ഗുരുതരമായി പരുക്കേറ്റ മുഹമ്മദാലിയെ ആശുപത്രിയിൽ പ്രവേശിപ്പിച്ചു.

മലപ്പുറം: നിലമ്പൂർ നിയമസഭ ഉപതിരഞ്ഞെടുപ്പിന്റെ വോട്ടെടുപ്പ് പൂർത്തിയായി. 74.02 % പേർ വോട്ടു ചെയ്തെന്നാണ് ഒടുവിലത്തെ കണക്ക്. കഴിഞ്ഞ തവണ 75.23 ശതമാനമായിരുന്നു പോളിങ്. അന്തിമ കണക്കുകൾ ഇതു മറികടക്കുമോയെന്ന ചോദ്യമാണ് ഇനി അവശേഷിക്കുന്നത്.തിങ്കളാഴ്ച വോട്ടെണ്ണുന്നതു വരെ കൂട്ടിക്കിഴിക്കലിന്റെയും അവകാശവാദങ്ങളുടെയും ദിവസങ്ങളാണ് മുന്നണികളെ കാത്തിരിക്കുന്നത്.വോട്ടിങ് ശതമാനം ഉയർന്നത് വിജയപ്രതീക്ഷ കുറയ്ക്കുന്നില്ലെന്നും ജയം ഉറപ്പെന്നും എൽഡിഎഫ് സ്ഥാനാർഥി എം. സ്വരാജ് പ്രതികരിച്ചു. പാർട്ടി വോട്ടുകൾ പൂർണമായും പോൾ ചെയ്യിക്കാനായതായും എല്ലാ പഞ്ചായത്തിനും ലീഡ് ചെയ്യുമെന്നും തികഞ്ഞ ആത്മവിശ്വാസത്തിലാണെന്നും യുഡിഎഫ് …

Read more “മഴയിലും നിലമ്പൂരിൽ ആവേശ വിധിയെഴുത്ത്; വിജയം ഉറപ്പെന്ന് മുന്നണികളും പി.വി. അൻവറും, ഇനി കൂട്ടിക്കിഴിക്കലിന്റെ ദിവസങ്ങൾ”

പാലക്കാട്: പാലക്കാട് ബിജെപി നേതാവ് കോൺഗ്രസിൽ ചേർന്നു. ബിജെപി ന്യൂനപക്ഷ മോർച്ച ജില്ലാ വൈസ് പ്രസിഡന്റ് സെയ്ദ് മുഹമ്മദാണ് കോൺഗ്രസിൽ ചേർന്നത്. പാലക്കാട് ഡിസിസി പ്രസിഡന്റ് എ. തങ്കപ്പൻ സെയ്ദിനെ ഷാൾ അണിയിച്ച് കോൺഗ്രസിലേക്ക് സ്വീകരിച്ചു. 1986 മുതൽ ബിജെപിയുടെ സജീവ പ്രവർത്തകനായിരുന്നുവെന്നും മനസ് മടുത്താണ് പാർട്ടി വിട്ടതെന്നും സെയ്ദ് പ്രതികരിച്ചു.നേരത്തേ പാലക്കാട് കോട്ടായിയിൽ കോൺഗ്രസ് മണ്ഡലം പ്രസിഡന്റും 30ഓളം പ്രവർത്തകരും നേതാക്കളും സിപിഎമ്മിൽ ചേർന്നിരുന്നു. ഡിസിസി നേതൃത്വത്തെ ഉൾപ്പെടെ വിമർശിച്ചുള്ള പാർട്ടി മാറ്റം കോൺഗ്രസിനു തിരിച്ചടിയായിരുന്നു. …

Read more “പാലക്കാട് വീണ്ടും പാർട്ടിമാറ്റം; ബിജെപി നേതാവ് കോൺഗ്രസിൽ ചേർന്നു”

കൊച്ചി: രാജ്യത്തെ എടിഎമ്മുകളിലേക്ക് 100,200 രൂപ നോട്ടുകൾ തിരിച്ചെത്തിയതായി റിപ്പോർട്ട്. 73 ശതമാനം എടിഎമ്മുകളിലും സ്ഥിരമായി 100,200 രൂപ നോട്ടുകൾ ലഭ്യമാക്കിയെന്നാണ് വിവരം.എടിഎമ്മിലൂടെ ലഭിക്കുന്നതിൽ അധികവും 500 രൂപ നോട്ട് മാത്രമാണെന്നത് ചില്ലറ കിട്ടാൻ പ്രയാസത്തിനു കാരണമാകുന്നതായി പരാതി വ്യാപകമായിരുന്നു. ഇതോടെയാണ് സെപ്റ്റംബർ 30നകം 75 ശതമാനം എടിഎമ്മുകളിലും സ്ഥിരമായി 100,200 രൂപ നോട്ടുകൾ ലഭിക്കുന്നുണ്ടെന്ന് ഉറപ്പാക്കണമെന്ന് റിസർവ് ബാങ്ക് ഓഫ് ഇന്ത്യ നിർദേശം നൽകിയത്. എന്നാൽ സമയപരിധി അവസാനിക്കാൻ 3 മാസം ശേഷിക്കെ 73 ശതമാനം …

Read more “ചില്ലറ തേടി ഇനി നെട്ടോട്ടം വേണ്ട: എടിഎമ്മുകളിൽ 100, 200 രൂപ നോട്ടുകൾ തിരിച്ചെത്തി”

വയനാട്: കർണാടകയിൽ നിന്ന് കേരളത്തിൽ വിൽപനയ്ക്കെത്തിച്ച 76.44 ഗ്രാം എംഡിഎംഎയുമായി മുത്തങ്ങ ചെക്പോസ്റ്റിൽ 2 പേർ പിടിയിൽ. കൊടുവള്ളി സ്വദേശി റഷീദ്, വേങ്ങരപ്പള്ളി സ്വദേശി ഷൈജൽ എന്നിവരാണ് അറസ്റ്റിലായത്. ഇവർ സഞ്ചരിച്ചിരുന്ന കാറിൽ നിന്നാണ് ലഹരിമരുന്ന് പിടിച്ചെടുത്തത്. എംഡിഎംഎ ഡ്രൈവറുടെ സീറ്റിന് അടിയിൽ ഒളിപ്പിച്ച നിലയിലായിരുന്നു. രഹസ്യവിവരത്തിന്റെ അടിസ്ഥാനത്തിൽ ഡാൻസാഫ്, പൊലീസ് സംഘമാണ് ഇവരെ പിടികൂടിയത്.

പാലക്കാട്: കുടുംബ വഴക്കിനിടെ ഭർതൃപിതാവിനെ മരുമകൾ വെട്ടിപരുക്കേൽപ്പിച്ചു. പാലക്കാട് മണ്ണാർക്കാട് പുറ്റാനിക്കാട്ടിലാണ് സംഭവം. ഗുരുതരമായി പരുക്കേറ്റ മലയിൽ വീട്ടിൽ മുഹമ്മദാലിയെ(65) മണ്ണാർക്കാട്ടെ സ്വകാര്യ ആശുപത്രിയിലും തുടർന്ന് പെരിന്തൽമണ്ണയിലെ സ്വകാര്യ ആശുപത്രിയിലും പ്രവേശിപ്പിച്ചു. മുഹമ്മദാലിയുടെ മകൻ ഷെരീഫിന്റെ ഭാര്യ ഷബ്നയാണ് കൃത്യത്തിനു പിന്നിൽ. ഷെരീഫ് വിദേശത്താണ്. സ്വത്ത് തർക്കമാണ് ആക്രമണത്തിൽ കലാശിച്ചതെന്നാണ് പ്രാഥമിക വിവരം.

മലപ്പുറം: 9 മാസം പ്രായമുള്ള കുഞ്ഞിനെ വിൽപന നടത്തിയ അമ്മയും രണ്ടാനച്ഛനും ഉൾപ്പെടെ 5 പേർ അറസ്റ്റിൽ. തിരൂർ കോട്ട് സ്കൂളിനു സമീപത്തെ ക്വാർട്ടേഴ്സിലെ താമസക്കാരായ തമിഴ്നാട് സ്വദേശിയായ കുഞ്ഞിന്റെ അമ്മ കീർത്തന (24), ഭർത്താവ് സേലം സ്വദേശി ശിവ(24), കുട്ടിയെ വാങ്ങിയ ആദി ലക്ഷ്മി, ഇടനിലക്കാരായ സെന്തിൽ കുമാർ, പ്രേമ ലത എന്നിവരാണ് പിടിയിലായത്. ദമ്പതികൾ കുട്ടിയെ ഒന്നര ലക്ഷം രൂപയ്ക്കു വിറ്റതായി രഹസ്യവിവരം ലഭിച്ചതിന്റെ അടിസ്ഥാനത്തിലാണ് തിരൂർ പൊലീസ് അന്വേഷണം നടത്തിയത്. കുട്ടിയുടെ അമ്മയെ …

Read more “9 മാസം പ്രായമായ കുഞ്ഞിനെ ഒന്നര ലക്ഷം രൂപയ്ക്കു വിറ്റു; അമ്മയും രണ്ടാനച്ഛനും ഉൾപ്പെടെ 5 പേർ അറസ്റ്റിൽ”