“എനിക്ക് ആരുമില്ല; അമ്മയുടെ അടുത്തേക്ക് പോകുന്നു”വെന്ന് ഭാര്യയോട് പറഞ്ഞ് വീട്ടിൽ നിന്നു ഇറങ്ങിയ ഭർത്താവിനെ കണ്ടെത്താനായില്ല; കുമ്പള പൊലീസ് അന്വേഷണം തുടങ്ങി
കാസർകോട്: ഭർത്താവിനെ കാണാനില്ലെന്നു കാണിച്ച് ഭാര്യ നൽകിയ പരാതിയിൽ കുമ്പള പൊലീസ് അന്വേഷണം തുടങ്ങി. കുമ്പള , ഭാസ്ക്കരനഗറിലെ വി. മനോഹര ( 50 )നെയാണ് കാണാതായത്. ശനിയാഴ്ച രാവിലെ വീട്ടിൽ നിന്ന് ഇറങ്ങിയതായിരുന്നു. “എനിക്ക് ആരും ഇല്ല . അമ്മ എന്നെ വിളിക്കുന്നു, ഞാൻ അമ്മയുടെ അടുത്തേയ്ക്ക് പോകുന്നുവെന്ന്” പറഞ്ഞാണ് വീട്ടിൽ നിന്നു ഇറങ്ങിയതെന്നു ഭാര്യ മജ്ഞുഷ നൽകിയ പരാതിയിൽ പറഞ്ഞു. രണ്ടു മക്കളുണ്ട്.
