Author: WEB EDITOR

മൊഗ്രാല്‍: വേനല്‍ച്ചൂടില്‍ നാവുണങ്ങുന്ന മിണ്ടാപ്രാണികള്‍ക്കു മൊഗ്രാല്‍ ദേശീയവേദി കുടിനീരൊരുക്കി ജീവസ്‌നേഹത്തിനു മാതൃക പകരുന്നു. ദേശീയവേദിയുടെ 21 നിര്‍വ്വാഹകസമിതി അംഗങ്ങളാണ് സംഘടനയുടെ നിര്‍ദ്ദേശമനുസരിച്ച് അവരുടെ വീട്ടു പരിസരങ്ങളില്‍ തണ്ണീര്‍ക്കുടം ഒരുക്കിയത്. വേനല്‍ അതി കഠിനമാവുകയാണെങ്കില്‍ എല്ലാ അംഗങ്ങളും തങ്ങളുടെ വീട്ടു പരിസരങ്ങളില്‍ തണ്ണീര്‍ക്കുടം ഒരുക്കി പറവകള്‍ക്കു കുടിവെള്ളം ഉറപ്പാക്കാനും സംഘടന തീരുമാനിച്ചിട്ടുണ്ടെന്ന് ഭാരവാഹികള്‍ അറിയിച്ചു.ചൂടിന്റെ കാഠിന്യവും കുടിവെള്ള ക്ഷാമവും മൂലം കഴിഞ്ഞവര്‍ഷം കുമ്പള പഞ്ചായത്തില്‍ നിരവധി കുരുവികളും കാക്കകളും ചത്തിരുന്നു. ഇക്കൊല്ലം അത്തരമൊരു ദുരനുഭവം കാണാന്‍ ഇടയാവാതിരിക്കാനാണ് ദേശീയവേദി …

Read more “വേനല്‍ച്ചൂടില്‍ കുടിവെള്ളത്തിനു വിഷമിക്കുന്ന പക്ഷികള്‍ക്ക് തണ്ണീര്‍ക്കുടമൊരുക്കി ദേശീയവേദി”

കാസര്‍കോട്: പതിമൂന്നുകാരിയെ റോഡരുകില്‍ തടഞ്ഞു നിര്‍ത്തി മര്‍ദ്ദിക്കുകയും മൂത്ത സഹോദരിയെ ഭീഷണിപ്പെടുത്തിയതായും പരാതി. പെണ്‍കുട്ടിയുടെ മാതാവ് നല്‍കിയ പരാതിയില്‍ സന്ദീപ് (24) എന്നയാള്‍ക്കെതിരെ കാസര്‍കോട് ടൗണ്‍ പൊലീസ് കേസെടുത്തു.തിങ്കളാഴ്ച വൈകുന്നേരം ആറുമണിയോടെ പുത്തൂര്‍ ഗ്രാമത്തിലെ ബെദ്രഡുക്കയിലാണ് കേസിനാസ്പദമായ സംഭവം. 13 വയസ് പ്രായമുള്ള മകളെ റോഡരുകില്‍ തടഞ്ഞു നിര്‍ത്തി കൈകൊണ്ട് പുറത്ത് അടിക്കുകയും മൂത്ത മകളെ ഭീഷണിപ്പെടുത്തുകയും ചെയ്തതായും മാതാവ് നല്‍കിയ പരാതിയില്‍ പറഞ്ഞു.

കാസര്‍കോട്: ബി ജെ പി മേഖലാ പ്രസിഡന്റ് കെ ശ്രീകാന്തിനെ മേഖലാ പ്രഭാരിയായി നിയോഗിച്ചു. ഇനി കണ്ണൂര്‍, കോഴിക്കോട്, കാസര്‍കോട് ജില്ലകളുടെ ചുക്കാന്‍ ശ്രീകാന്ത് പിടിക്കും. മഞ്ചേശ്വരം മണ്ഡലത്തിലെ തിരഞ്ഞെടുപ്പു ചുമതലയും താന്‍ വഹിക്കുമെന്ന് അദ്ദേഹം അറിയിച്ചു.