തിരുവനന്തപുരം: എസ്എസ്എല്സി പരീക്ഷാഫലം മെയ് എട്ടിന് പ്രഖ്യാപിക്കും. ഹയര്സെക്കന്ഡറി, വൊക്കേഷണല് ഹയര്സെക്കന്ഡറി ഫലം മെയ് 9 ന് പ്രഖ്യാപിക്കും. കഴിഞ്ഞ വര്ഷം മേയ് 19നാണ് ഫലപ്രഖ്യാപനം നടത്തിയത്. ഇത്തവണ പതിനൊന്ന് ദിവസം മുമ്പ് തന്നെ ഫലപ്രഖ്യാപനം നടത്തുകയാണെന്ന് വിദ്യാഭ്യാസ മന്ത്രി വി ശിവന്കുട്ടി പറഞ്ഞു. വൈകിട്ട് മൂന്ന് മണിക്കാണ് രണ്ട് പരീക്ഷകളുടെയും ഫലപ്രഖ്യാപനം നടത്തുക. ഇക്കൊല്ലം എസ്എസ്എല്സി പരീക്ഷ എഴുതിയത് 4,27,105 വിദ്യാര്ഥികളാണ്. 2,17,525 ആണ്കുട്ടികളും 2,09,580 പെണ്കുട്ടികളുമാണ് പരീക്ഷയെഴുതിയത്. 70 ക്യാമ്പുകളിലായി 14 ദിവസം കൊണ്ട് മൂല്യ നിര്ണ്ണയം പൂര്ത്തിയായതായി മന്ത്രി വി ശിവന്കുട്ടി വാര്ത്താസമ്മേളനത്തില് അറിയിച്ചു. ആകെ 4,41,120 വിദ്യാര്ഥികളാണ് ഹയര്സെക്കന്ഡറി പരീക്ഷ എഴുതിയത്. 2,23,736 ആണ്കുട്ടികളും 2,17,384 2,17,384 പെണ്കുട്ടികളുമാണ് പരീക്ഷ എഴുതിയത്. ഏപ്രില് 3 മുതല് 24-ാം തീയതി വരെയാണ് മൂല്യനിര്ണയം നടന്നത്. 77 ക്യാംപുകളിലായി ഇരുപത്തി അയ്യായിരത്തോളം അധ്യാപകര് പങ്കെടുത്തു.