കാസര്കോട്: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച ഓട്ടോ ഡ്രൈവറെ പോക്സോ കേസില് ചന്തേര പൊലീസ് അറസ്റ്റു ചെയ്തു. ചെറുവത്തൂര് ഓട്ടോസ്റ്റാന്റിലെ ഓട്ടോ ഡ്രൈവര് കെ.ആര്.അജയനെ(45)യാണ് ഇന്സ്പെക്ടര് ജി.പി. മനുരാജ് അറസ്റ്റു ചെയ്തത്. ഇക്കഴിഞ്ഞ പതിനൊന്നിന് വൈകുന്നേരമാണ് സംഭവം. ഓട്ടോയുമായി കുട്ടിയുടെ വീട്ടിലെത്തിയ പ്രതി സൗഹൃദം സ്ഥാപിച്ച് പീഡിപ്പിക്കുകയായിരുന്നു. പീഡനവിവരം വീട്ടുകാര് അറിഞ്ഞതോടെ ചന്തേര പൊലീസില് വിവരമറിയിച്ചു. പരാതിയില് പെണ്കുട്ടിയുടെ മൊഴിരേഖപ്പെടുത്തിയ പൊലീസ് പോക്സോ നിയമപ്രകാരം കേസെടുത്ത് പ്രതിയെ അറസ്റ്റു ചെയ്തു.
![](https://mlozaudj56ft.i.optimole.com/w:622/h:349/q:mauto/f:best/https://malayalam.karavaldaily.com/wp-content/uploads/2024/07/rain.jpg)