കുടുംബ വഴക്കിനെ തുടര്ന്ന് മക്കള് മര്ദിച്ച് തോട്ടിലെറിഞ്ഞ പിതാവിന് ദാരുണാന്ത്യം. തിരുവനന്തപുരം അമ്പലമുക്ക് ഗാന്ധിനഗര് സുനിതാഭവനില് സുധാകരന് (55)ആണ് മരിച്ചത്. സംഭവവുമായി ബന്ധപ്പെട്ട് രണ്ടു മക്കളെ പൊലീസ് കസ്റ്റഡിയിലെടുത്തിട്ടുണ്ട്. ശനിയാഴ്ച രാത്രി 11 മണിയോടെയാണ് സംഭവത്തിന്റെ തുടക്കം. സുധാകരന്റെ ഭാര്യയുടെ പിറന്നാള് ദിനമായിരുന്നു ഇന്നലെ. ആഘോഷത്തിനിടെ രാത്രി ആഹാരം കഴിക്കുന്നതിനിടെയാണ് തര്ക്കമുണ്ടായത്. ഇതില് ആദ്യം മകള് ഇടപെടുകയും തുടര്ന്ന് മൂന്ന് മക്കളില് രണ്ടുപേരുമായി വാക്കേറ്റം ഉണ്ടാവുകയും ഭക്ഷണം കഴിക്കുന്ന സുധാകരനെ ക്രൂരമായി മര്ദ്ദിക്കുകയായിരുന്നു. ക്രൂരമായി മര്ദ്ദിച്ചവശയാക്കിയ സുധാകരനെ സമീപത്തെ തോട്ടില് തള്ളുകയായിരുന്നു. ഗുരുതരമായി പരിക്കേറ്റ സുധാകരനെ ഇളയ മകനും നാട്ടുകാരും ചേര്ന്ന് മെഡിക്കല് കോളേജ് ആശുപത്രിയില് എത്തിച്ചു. എന്നാല് പുലര്ച്ചേ ഒന്നരയോടെ മരണപ്പെടുകയായിരുന്നു. മക്കളായ ഹരി, കൃഷ്ണ എന്നിവരാണ് പൊലീസ് കസ്റ്റഡിയിലുള്ളത്.
![](https://mlozaudj56ft.i.optimole.com/w:622/h:349/q:mauto/f:best/https://malayalam.karavaldaily.com/wp-content/uploads/2024/07/rain.jpg)