പയ്യന്നൂര്‍: ഇതരസംസ്ഥാനങ്ങളില്‍ നിന്ന് കഞ്ചാവെത്തിച്ച് തളിപ്പറമ്പിലും പരിസരങ്ങളിലും വില്‍പ്പന നടത്തുന്ന സംഘത്തില്‍പെട്ട യുവാക്കളെ തളിപ്പറമ്പ റേഞ്ച് എക്സൈസ് സംഘം പിടികൂടി. വെസ്റ്റ് ബംഗാള്‍ സ്വദേശികളായ ജയന്ത് മണ്ഡല്‍(25), ഹരീഷ് ചന്ദ്ര മണ്ഡല്‍(30) എന്നിവരെയാണ് ഇന്‍സ്പെക്ടര്‍ ഇ.പി വിപിന്റെ നേതൃത്വത്തില്‍ അറസ്റ്റ് ചെയ്തത്. രഹസ്യവിവരത്തിന്റെ അടിസ്ഥാനത്തില്‍ ഓപ്പറേഷന്‍ തണ്ടറിന്റെ ഭാഗമായി പുളിമ്പറമ്പ, വെള്ളിക്കീല്‍, പട്ടുവം ഭാഗങ്ങളില്‍ എക്സൈസ് മിന്നല്‍ പരിശോധന നടത്തിയിരുന്നു. പട്ടുവം ഭാഗത്ത് നിന്നാണ് കഞ്ചാവ് സഹിതം ഇരുവരും വലയിലായത്. ഒറീസ, വെസ്റ്റ്ബംഗാള്‍ എന്നിവിടങ്ങളില്‍ നിന്ന് വന്‍തോതില്‍ കഞ്ചാവും മറ്റ് ലഹരി ഉല്‍പ്പന്നങ്ങളും കേരളത്തിലേക്ക് എത്തിക്കുന്ന സംഘത്തില്‍പ്പെട്ടവരാണ് ഇവരെന്നും ലക്ഷ്യം വിദ്യാര്‍ഥികളും യുവാക്കളുമാണെന്നും എക്സൈസ് പറഞ്ഞു.
അന്വേഷണ മികവിന് മുഖ്യമന്ത്രിയുടെ പൊലീസ് മെഡല്‍ നേടിയ സുനില്‍ എബ്രഹാമിനെ ആദരിച്ചു
Friday, 16 October 2026, 16:46
