നേപ്പാളിൽ കനത്ത മഴയെയും മഞ്ഞുമല തകർച്ചയെയും തുടർന്നുണ്ടായ മിന്നൽ പ്രളയത്തിൽ മരണസംഖ്യ 500 കടന്നു.
കാണാതായവരിൽ നൂറുകണക്കിന് ഇന്ത്യക്കാരെ കണ്ടെത്താനുള്ള തിരച്ചിൽ തുടരുകയാണ്.
അതിർത്തി പ്രദേശങ്ങളായ ബീഹാറിലും മറ്റ് സമീപ പ്രദേശങ്ങളിലും ജാഗ്രതാ നിർദേശം നൽകിയിട്ടുണ്ട്.
ചൈന-നേപ്പാൾ അതിർത്തിയിലെ തടാകം കവിഞ്ഞൊഴുകുന്നത് കൂടുതൽ ആശങ്ക ഉയർത്തുന്നു.
യു.എസ് – ഇറാൻ സംഘർഷം
ഹോർമുസ് കടലിടുക്കിലെ തടസ്സങ്ങളും മൈനുകളും നീക്കം ചെയ്തതായും അന്താരാഷ്ട്ര ജലപാത താൽക്കാലികമായി സുരക്ഷിതമാക്കിയതായും യു.എസ് അവകാശപ്പെട്ടു.
തങ്ങളുടെ അവകാശങ്ങൾ അംഗീകരിച്ചാൽ നയതന്ത്ര ചർച്ചകൾക്ക് തയ്യാറാണെന്ന് ഇറാൻ വ്യക്തമാക്കുമ്പോഴും ഇരു രാജ്യങ്ങളും തമ്മിലുള്ള സൈനിക സംഘർഷാവസ്ഥ രൂക്ഷമായി തുടരുന്നു.
ജയിലിൽ കഴിയുന്ന പാകിസ്താൻ മുൻ പ്രധാനമന്ത്രി ഇമ്രാൻ ഖാന്റെ ആരോഗ്യനില വഷളാകുന്നതിൽ ആശങ്കയറിയിച്ച് സുനിൽ ഗവാസ്കർ, കപിൽ ദേവ് ഉൾപ്പെടെ 21 മുൻ അന്താരാഷ്ട്ര ക്രിക്കറ്റ് ക്യാപ്റ്റന്മാർ പാക് പ്രധാനമന്ത്രിക്ക് കത്തയച്ചു. ഇമ്രാന് വിദഗ്ധ ചികിത്സയും കുടുംബത്തെ കാണാനുള്ള അനുമതിയും നൽകണമെന്ന് ഇവർ ആവശ്യപ്പെട്ടു.
ചൈനയിലും ജപ്പാനിലും ഭൂചലനം .
ചൈനയിലെ സിചുവാൻ പ്രവിശ്യയിൽ 5.1 തീവ്രത രേഖപ്പെടുത്തിയ ഭൂചലനമുണ്ടായി. ജപ്പാനിലും കനത്ത ഭൂചലനം അനുഭവപ്പെട്ടതിനെ തുടർന്ന് ഗതാഗത-വൈദ്യുതി ബന്ധങ്ങൾ തടസ്സപ്പെട്ടു.
നേപ്പാൾ പ്രളയം : നേപ്പാളിലുണ്ടായ മിന്നൽ പ്രളയത്തിൽ കാണാതായ ഇന്ത്യക്കാരെ കണ്ടെത്താനുള്ള തെരച്ചിലും രക്ഷാപ്രവർത്തനവും ഊർജിതമായി തുടരുന്നു. വ്യോമസേനയുടെ സഹായത്തോടെ ദുരിതാശ്വാസ സാമഗ്രികളും മെഡിക്കൽ സംഘങ്ങളെയും ഇന്ത്യ നേപ്പാളിലേക്ക് അയച്ചിട്ടുണ്ട്.
മൺസൂൺ മുന്നറിയിപ്പ്: വടക്കേ ഇന്ത്യയിലും ചില തെക്കേ ഇന്ത്യൻ സംസ്ഥാനങ്ങളിലും വരും ദിവസങ്ങളിൽ മൺസൂൺ മഴ വീണ്ടും ശക്തമാകുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.
കർണാടക രാഷ്ട്രീയ നീക്കങ്ങൾ: കർണാടകയിലെ മഹർഷി വാൽമീകി കോർപ്പറേഷൻ അഴിമതി ആരോപണങ്ങളെ തുടർന്ന് ഉയർന്ന പ്രതിഷേധങ്ങൾക്കിടെ മന്ത്രി ബി. നാഗേന്ദ്ര സ്ഥാനം രാജിവെച്ചു.
തൃശൂർ പുലിക്കളി: ഓണാഘോഷങ്ങൾക്ക് മാറ്റുകൂട്ടി തൃശൂർ സ്വരാജ് റൗണ്ടിൽ ഇന്ന് ആവേശകരമായ പുലിക്കളി നടക്കുന്നു. ഒൻപത് സംഘങ്ങളാണ് ഇത്തവണ പുലിക്കളിക്കായി നഗരത്തിൽ ഇറങ്ങിയിട്ടുള്ളത്. പുലിക്കളിയോട് അനുബന്ധിച്ച് തൃശൂർ നഗരത്തിൽ ശക്തമായ ഗതാഗത നിയന്ത്രണം ഏർപ്പെടുത്തിയിട്ടുണ്ട്.
സ്വർണവില വർധിച്ചു: സംസ്ഥാനത്ത് സ്വർണവില വീണ്ടും ഉയർന്നു. ഇന്ന് പവന് 120 രൂപ വർധിച്ച് സ്വർണവില ഉയർന്ന നിരക്കുകളിൽ തുടരുന്നു.
ശ്രീനാരായണ ഗുരു ജയന്തി ആഘോഷങ്ങൾ: സംസ്ഥാനത്തുടനീളം വിപുലമായ പരിപാടികളോടെ ശ്രീനാരായണ ഗുരു ജയന്തി (ചതയം) ആഘോഷങ്ങൾ സംഘടിപ്പിച്ചു.
കാലാവസ്ഥാ പ്രവചനം: കേരളത്തിൽ വരും ദിവസങ്ങളിൽ ശക്തമായ മഴയ്ക്ക് ശമനമുണ്ടാകുമെന്നും മിതമായ മഴയ്ക്ക് മാത്രമാണ് സാധ്യതയെന്നും കേന്ദ്ര കാലാവസ്ഥാ വകുപ്പ് അറിയിച്ചു.
ഗതാഗത മേഖല: ഓണാവധി കഴിഞ്ഞ് മടങ്ങുന്ന യാത്രക്കാരുടെ തിരക്ക് പരിഗണിച്ച് ബെംഗളൂരുവിലേക്ക് കേരളത്തിൽ നിന്നും പുതിയ സ്പെഷ്യൽ ട്രെയിൻ സർവീസ് ആരംഭിക്കും.
ചെമ്പ്രകാനത്ത് ഓണാഘോഷ പരിപാടിക്കിടെ ആൾ മറയില്ലാത്ത പൊട്ടക്കിണറ്റിൽ വീണ് ചികിത്സയിലായിരുന്ന 14 വയസ്സുകാരൻ കൊടക്കാട് ആനിക്കാടി സ്വദേശി സനൂപ് മരണപ്പെട്ടു.
എരിയാൽ, ഉജിർക്കര കുളത്തിൽ കുളിക്കാനിറങ്ങിയ ജയ്പൂർ സ്വദേശിയായ അൽ ഫയാസ് ഖാൻ (23) മുങ്ങിമരിച്ചു.
നീലേശ്വരം ചിറപ്പുറത്ത് റോഡരികിൽ നിർത്തിയിട്ടിരുന്ന ലോറി കത്തിനശിച്ച നിലയിൽ കണ്ടെത്തി.
ബേക്കൽ മേൽപ്പാലത്തിലെ അറ്റകുറ്റപ്പണികൾ പ്രമാണിച്ച് സെപ്റ്റംബർ 1 മുതൽ ഗതാഗത നിയന്ത്രണം ഏർപ്പെടുത്തുമെന്ന് അധികൃതർ അറിയിച്ചു.
മഴ മുന്നറിയിപ്പ്: ജില്ലയുടെ വിവിധ ഭാഗങ്ങളിൽ ഇടിമിന്നലോട് കൂടിയ ശക്തമായ മഴയ്ക്കും മണിക്കൂറിൽ 40 മുതൽ 50 കി.മീ വരെ വേഗതയുള്ള ശക്തമായ കാറ്റിനും സാധ്യതയുള്ളതിനാൽ കാലാവസ്ഥാ വകുപ്പ് ജാഗ്രതാ നിർദേശം നൽകിയിട്ടുണ്ട്.
വലിയപറമ്പിൽ തെരുവുനായ ശല്യം: തൃക്കരിപ്പൂർ വലിയപറമ്പ് പഞ്ചായത്ത് പ്രദേശങ്ങളിൽ തെരുവുനായ ശല്യം രൂക്ഷമാകുന്നത് ജനങ്ങളിൽ ഭീതി പരത്തുന്നു.
ആഫ്രിക്കൻ ഒച്ച് നിയന്ത്രണം: ഉദുമ പഞ്ചായത്തിലെ വിവിധ പ്രദേശങ്ങളിൽ ആഫ്രിക്കൻ ഒച്ചുകളുടെ വ്യാപനം തടയുന്നതിനായി ജൈവ ലായനി തളിക്കലും ബോധവൽക്കരണവും ആരംഭിച്ചു.
ദക്ഷിണ കർണാടകയിൽമത്സ്യത്തിലെ രാസവസ്തു ഉപയോഗം: തീരദേശ മേഖലകളിൽ വിൽക്കുന്ന മീനുകളിൽ ഫൊർമാലിൻ , അമോണിയ തുടങ്ങിയ രാസവസ്തുക്കൾ കലർത്തുന്നതിനെതിരെ ഭക്ഷ്യസുരക്ഷാ വിഭാഗവും എൽ.എ.പി നേതാക്കളും പരിശോധന കർശനമാക്കാൻ ആവശ്യപ്പെട്ട് രംഗത്തെത്തി.
ഭർതൃപീഡന കേസ്: മംഗളൂരു കൊടിയാലിൽ യുവതി നൽകിയ പരാതിയുടെ അടിസ്ഥാനത്തിൽ ഭർത്താവിനും അഞ്ച് കുടുംബാംഗങ്ങൾക്കുമെതിരെ മംഗളൂരു വനിതാ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
ദക്ഷിണ കന്നഡ, മൂഡബിദ്രി തുടങ്ങിയ മേഖലകളിലെ പ്രധാന മാർക്കറ്റുകളിലും ഹോട്ടലുകളിലും ശുചിത്വവും ഭക്ഷ്യസുരക്ഷയും ഉറപ്പാക്കാൻ അധികൃതർ അപ്രതീക്ഷിത പരിശോധനകൾ നടത്തിവരുന്നു.
