കാസര്കോട്: ട്രെയിനില് നിന്നും ഐ പാഡും മൊബൈല് ഫോണും പവര് ബാങ്കും കവര്ച്ച ചെയ്ത സംഭവത്തില് പ്രതിയെ കാസര്കോട് റെയില്വേ പൊലീസ് 24 മണിക്കറിനകം പിടികൂടി. മധ്യപ്രദേശ് സ്വദേശി ബരേദ്ര റാത്തോ(37)റാണ് അറസ്റ്റിലായത്. ഉത്രാടദിവസം പുലര്ച്ചെ കോഴിക്കോട് ഭാഗത്തേക്ക് പോവുകയായിരുന്ന മംഗള ലക്ഷദ്വീപ് എക്സ്പ്രസില് വച്ചാണ് കവര്ച്ച നടന്നത്. മലപ്പുറം ഇരുമ്പുഴി വടക്കുമുറി സ്വദേശി പി. ഷനൂപ് റഹ്മാമാന്റെ 89,000 രൂപ വില വരുന്ന ഐ പാഡ്, മൊബൈല് ഫോണ്, പവര് ബാങ്ക് എന്നിവയാണ് മോഷണം പോയത്. ട്രെയിനിന്റെ പിന്നിലെ ജനറല് കോച്ചിലെ യാത്രക്കാരനായിരുന്നു ഷനൂപ്. ട്രെയിന് കാസര്കോട് എത്തിയപ്പോഴാണ് കവര്ച്ച നടന്നത് ശ്രദ്ധയില്പെട്ടത്. തുടര്ന്ന് റെയില്വേ പൊലീസില് പരാതി നല്കുകയായിരുന്നു. പൊലീസ് നടത്തിയ അന്വേഷണത്തില് തിരുവോണ ദിവസം കാസര്കോട് ബസ് സ്റ്റാന്ഡില് വച്ച് പ്രതിയെ പിടികൂടി. എസ്ഐ സിഎസ് സനില്കുമാറിന്റെ മേല്നോട്ടത്തില് സീനിയര് സിവില് പൊലീസ് ഓഫീസര് കൃപേഷ്, ആര്പിഎഫ് സ്ക്വാഡിലെ അബ്ദുല് സത്താര് എന്നിവരുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്റുചെയ്തു.
സ്റ്റേഷനിലെത്തിയ സ്ത്രീകളോട് അപമര്യാദയായി പെരുമാറി; കാസര്കോട് ടൗണ് എസ്ഐക്ക് സസ്പെന്ഷന്
Thursday, 27 August 2026, 15:12
