കാസര്കോട്: ബങ്കര മഞ്ചേശ്വരം എക്സ്സൈസ് ചെക്ക്പോസ്റ്റിനു മുന്വശം സര്ക്കിള് ഇന്സ്പെക്ടര് ജി കൃഷ്ണകുമാറിന്റെ നേതൃത്വത്തില് നടത്തിയ പരിശോധനയില് എംഡിഎംഎയുമായി യുവാവ് പിടിയിലായി.
ബേഡകം കുണ്ടംകുഴി കളരിയടുക്കത്തെ കെഎം സഫീറി(36)നെയാണ് അറസ്റ്റ് ചെയ്തത്. യുവാവില് നിന്ന് 0.120 ഗ്രാം എംഡിഎംഎ പിടികൂടി. കേസ് രേഖകളും തൊണ്ടി സാധനവും പ്രതിയെയും കുമ്പള എക്സൈസ് റെയിഞ്ച് ഓഫീസില് ഹാജരാക്കി. എക്സൈസ് സംഘത്തില് ഇന്സ്പെക്ടര് പി എം അഖില്, പി സുരേശന്, സിഇഒമാരായ നിഖില് പവിത്രന്, രാജേഷ്. പി എന്നിവരും പരിശോധക സംഘത്തില് ഉണ്ടായിരുന്നു.
