കൊച്ചി: പ്രധാനമന്ത്രി നരേന്ദ്രമോദിയെ അവഹേളിച്ചെന്ന കേസില് മേക്കപ്പ് ആര്ടിസ്റ്റ് ജാന്മണി അറസ്റ്റില്. മഹിളാ മോര്ച്ച സംസ്ഥാന അദ്ധ്യക്ഷ നവ്യ ഹരിദാസ് നല്കിയ പരാതിയിലാണ് പൊലീസ് നടപടി. കോഴിക്കോട് സിറ്റി സൈബര് പൊലീസ് ആണ് അറസ്റ്റ് ചെയ്തത്. സമൂഹത്തില് ലഹള ഉണ്ടാക്കണമെന്നും സമാധാനം തകര്ക്കണമെന്നുമുള്ള ഉദ്ദേശത്തോടെ പ്രധാനമന്ത്രിയെ അപകീര്ത്തിപ്പെടുത്തുകയും അപമാനിക്കുകയും ചെയ്തെന്നാണ് എഫ്ഐആറില് പറഞ്ഞിരിക്കുന്നത്. ജാമ്യം ലഭിക്കുന്ന വകുപ്പുകള് ചുമത്തിയതിനാല് സ്റ്റേഷന് ജാമ്യത്തില് വിട്ടയച്ചു. സിജെപി സമരത്തിന് പിന്തുണയുമായി ജാന്മണി ഡല്ഹിയിലെത്തിയിരുന്നു. രണ്ടുദിവസമാണ് ജാന്മണി പ്രതിഷേധത്തില് പങ്കെടുത്തത്. ജന്തര് മന്തര് സമരത്തിനിടെയാണ് പ്രധാനമന്ത്രിക്കെതിരെ ജന്മണിയുടെ പരാമര്ശം നടത്തിയത്. പ്രധാനമന്ത്രിയേയും അദ്ദേഹത്തിന്റെ മാതാവിനേയും അധിക്ഷേപിക്കുന്ന നിലയിലായിരുന്നു പരാമര്ശം. സംഭവം വിവാദമായതോടെ പിന്നാലെ ജാന്മണി മാപ്പ് പറഞ്ഞിരുന്നു. ആരെയും വേദനിപ്പിക്കാന് വേണ്ടിയല്ല പറഞ്ഞതെന്നും പരസ്യമായി ക്ഷമ ചോദിക്കണമെന്ന് ആഗ്രഹമുണ്ടെന്നും ഇന്സ്റ്റഗ്രാമിലൂടെ വ്യക്തമാക്കിയത്. ജാന്മണിയുടെ മാപ്പ് പറച്ചില് അംഗീകരിക്കുന്നില്ലെന്നും തെറ്റ് ചെയ്തതിനുശേഷം മാപ്പ് പറഞ്ഞാല് തീരില്ലെന്നുമായിരുന്നു മഹിളാ മോര്ച്ചയുടെ നിലപാട്.
നടന്നു പോവുകയായിരുന്ന പെണ്കുട്ടിയെ പീഡിപ്പിക്കാന് ശ്രമം; പ്രതി അറസ്റ്റില്
Thursday, 20 August 2026, 15:53
