ന്യൂഡല്ഹി: ഡല്ഹിയില് ഉപേക്ഷിക്കപ്പെട്ട ഒരു സ്യൂട്ട്കേസിനുള്ളില് നിന്ന് പെണ്കുട്ടിയുടെ മൃതദേഹം പോലീസ് കണ്ടെടുത്തു. ഡല്ഹി ബുരാരി അജിത് വിഹാരിലാണ് സംഭവം. വഴിയോരത്ത് സ്യൂട്ട് കേസ് ഉപേക്ഷിക്കപ്പെട്ട നിലയില് കണ്ടതായി പൊലീസ് കണ്ട്രോള് റൂമില് സന്ദേശം ലഭിച്ചിരുന്നു. തുടര്ന്ന് പൊലീസ് നടത്തിയ പരിശോധനയിലാണ് മൃതദേഹം കണ്ടെത്തിയത്. പായപൂര്ത്തിയാകാത്ത കുട്ടിയുടെ മൃതദേഹം സ്യൂട്ട്കേസിനുള്ളില് ഒളിപ്പിച്ച നിലയിലായിരുന്നു. കേസുമായി ബന്ധപ്പെട്ട് പെണ്കുട്ടിയുടെ ബന്ധുവിനെ പൊലീസ് അറസ്റ്റ് ചെയ്തു. വിശദമായ ചാദ്യം ചെയ്യലില് ഇയാള് കുറ്റം സമ്മതിച്ചു.
മരിച്ച പെണ്കുട്ടി അടുത്തിടെ ബിഹാറില് നിന്ന് ഡല്ഹിയില് എത്തിയതാണെന്ന് പൊലീസ് ഇന്സ്പെക്ടര് പറഞ്ഞു. പെണ്കുട്ടിയുടെ മരണത്തിലേക്ക് നയിച്ച സാഹചര്യവും കൊലപാതകത്തിന് പിന്നിലെ കാരണവും പൊലീസ് അന്വേഷിച്ചുവരികയാണ്. മൃതദേഹം പോസ്റ്റ് മോര്ട്ടം അടക്കമുള്ള നടപടികള്ക്കായി ആശുപത്രിയിലേക്ക് മാറ്റി. ബുരാരി പൊലീസ് സംഭവത്തില് അന്വേഷണം ഊര്ജ്ജിതമാക്കി.
പ്രായപൂര്ത്തിയാകാത്ത പെണ്കുട്ടിയെ താര് ജീപ്പില് വച്ച് പീഡിപ്പിച്ചു
Tuesday, 18 August 2026, 15:07
